好多時候我臨瞓之前都會(好勤力)睇吓人哋啲blog 有乜好嘢食, 第二朝瞓醒就可以去整。其實真係幾自虐,尤其係依幾晚我八點之後唔俾自己食嘢,真係越睇越肚餓。
2017年5月5日星期五
2017年5月3日星期三
升級版蘋果蛋糕
五月一號嗰日,我話慶祝我哋搬咗入嚟五年(正確應該係4月30號),加上落雨要揾D嘢整,我話要整個蛋糕。
屋企嗰兩個對蘋果蛋糕情有獨鍾,不過我對於呢D意大利甜品店經常出現嘅"黃色蛋糕"一D興趣都冇,所以我話要整個升級版😈!
我喺蛋糕面加咗crumble 脆脆,我絕對相信越邪惡越美味!
2017年4月9日星期日
2017年4月5日星期三
2017年3月31日星期五
班蘭蛋糕2.0版
早排整咗一次班蘭蛋糕(....係呀栗子蛋糕仲未還嘅時候又整第二次班蘭蛋糕),上次膽粗粗俾咗新加坡朋友試食,得到好多寶貴嘅意見,仲有一個新加坡blogger(http://kitchentigress.blogspot.it/?m=1)嘅食譜,真係大收穫!
2017年3月28日星期二
栗蓉大判燒
夏令時間星期日開始左,嗰晚我啱啱瞓瞓下轉身睇住個電話由01:59直接跳去0300。即係而家慢香港六個鐘頭。
父親節嗰日,車輋整比佢爸爸嗰啲曲奇餅,佢堅持要栗子味。咁其實我都未整過栗子味嘅曲奇,是但見有罐Gigi 之前送我嘅栗子蓉(其實話係栗子醬正確D),咁就加咗D入曲奇麵團,焗完都真係有栗子香,成功。
咁因為整曲奇用唔晒,又要諗辦法消滅佢,又唔知可以整乜,最後決定整栗蓉大判燒 (買咗啲玩具都要間中玩下㗎嘛😜)。
2017年3月21日星期二
一條方包,滿足晒三個願望
尋晚晚餐食淨少少mozzarella cheese, 老細問我記唔記得咩嘢係Mozzarella in carrozza?話好想食。佢見我發呆,問我諗緊乜,我話屋企冇方包,我諗緊聽朝整。佢話出去買都好平,唔使咁複雜,不過我還是打算出手,因為咁樣,可 以一次過滿足三個願望:mozzarella in carrozza, 肉鬆方包,再來厚切奶醬多😋😋😋。
2017年3月8日星期三
Meringue 蛋白脆糖
2017年3月7日星期二
綠茶士多啤梨瑞士卷
我同車輋都係綠茶甜品控😋 ,好掛住Starbucks 肥死人果杯green tea frappuccino 。
三月,雖然天氣都仲未好穩定,一個星期內可以有齊春夏秋冬,但係都已經感覺到春天嘅來臨。春天係士多啤梨當做嘅季節,一於來一個綠茶士多啤梨瑞士卷😊。不過今次用咗沖綠茶奶嘅綠茶粉,mix咗蛋糕之後個味唔夠出,未完完全全止到癮。
2017年2月17日星期五
2017年2月8日星期三
咖哩角、豬肉鬆
上星期,本來承認咗車輋再要炸多D蝦片嘅,咁炸得我就當然唔止炸一樣嘢,所以計劃整咖哩角。星期四買好食材,預備好餡料打算星期五整,點知....嗰晚車輋開始咳😰😷....所以我話唔可以炸嘢,但係因為已經預備好個餡,所以我就先包好,再放入冰箱forzen。
2017年1月27日星期五
祝大家雞年開心又健康🎉🎊
啱啱香港過咗十二點,各位新年快樂,身體健康, 笑口常開,越食越fit 😊🎊🎉車輋今日如常有游水堂,差唔多香港12點嘅時候,我哋啱啱泊咗車,特登唔行住,喺車度聽住香港收音機一齊倒數,兩個傻人好興奮,好開心有佢呢半個香港人陪我一齊傻。
為咗同香港同步團年(我哋同香港家人有一路食飯一路video chat), 我哋嘅團年飯喺lunch time 進行😊 我煮咗一朝,三個人,五餸一湯。去相再慢慢介紹。
今年年初一係星期六,終於我哋都有"新年假"放嘞😊😄!各位要開開心心,健健康康呀!
2017年1月25日星期三
自製肉乾、年廿八洗邋遢
今日年廿八洗邋遢,我都認真清潔咗廚房desktop, 仲吸咗麈拖咗地。一路做一路諗,呢度又唔係香港,我做乜要辛苦自己呢,明明幾日前先拖過地(懶人如我,係一個星期先吸塵拖地的),做咗其實都無人知。每年 年廿八我都有咁嘅諗法,但係每年又好似有強迫症咁,呢日會好自動自覺做extra清潔😏所以我決定影張相,等有人知道我有係咁二洗邋遢😂😂😂。
2017年1月24日星期二
賀年糕糕糕
星期日晏晝用左四個鐘頭一次過整晒蘿蔔糕年糕同馬蹄糕。同自己講一次過整晒佢唔好阻我weekday 出去跑步嘅時間😊。睇返上年寫嘅馬蹄糕食譜,先至發覺原來我上年都係一日之內整晒三款糕,其實我係咪有自虐傾向😆😆😆!
2017年1月18日星期三
2017年1月1日星期日
訂閱:
文章 (Atom)