回家了

香港(14/6-2/8/2014)

又是在機艙中，在回家路途上。由二零零三年開始，平均每年也會回港探家人見朋友，但是每次要離開，我還是萬分不捨。越大越眼淺，我可以在上機前一星期，晚上睡覺時想到要走在被窩落淚。上機的早上，我同車輋講我今晚要走時可能會喊，車輋答：「你唔好喊啦！side晒D時間!講bye bye 仲好啦!」我不得不承認，呢個仔好多時都比我成熟。

今年暑假留喺香港七個星期，真係七七四十九日，都冇乜邊份工有咁多大假，都是時候回家去........unpack and pack, 星期六我哋一家會去克羅地亞海灘兩星期！happy summerholidays continues!

留港的時間永遠都轉眼便過，但回想返這個旅程，約出來見面的朋友(家人未計)有三十多位，喺街偶遇的有三個，雖然𣎴是每一個都常聯絡，但仍感激大家抽空見面。

車輋話今年最開心的活動是11帶隊的大埔夜行螢火蟲之旅，而我最開心就係我們中學時期一起練跑的隊友過了二十多年後我哋仍然可以一齊再落track，而我們的小朋友更組成一隊接力隊「飛二代」參加了一個百米接力，更得亞軍，圓了我們的心願。

至於美食方面，當然是媽咪煮嘅最好味！今次食咗好多鯇魚腩，大滿足！媽咪仲帶咗我去買腐皮。每次開雪櫃，都有搣好嘅橙，有時仲要餵埋我，媽咪永遠是最好的！

今年返香港，除咗已經預計之內見到處都有國語人，我仲見到好多癲人，儍人！各位要好好保重，身心健康！