新春大吉！

祝各位笑口常開，越食越fit, 日日開心，食得瞓得！
剛趕得切收爐前攪掂！

雲石戚風蛋糕

都係平時用開嘅四白三黄食譜，只係其中一部份mixture 加咗朱古力漿( 用咗2 tbsp朱古力粉加少少暖水至漿)，然後一層mixture,一spoon朱古力漿，一層一層入模，最面層係朱古力，然後用筷子打圈畫花。(做法是睇owenmama youtube video學的）

香港節 (完) : 豉汁排骨煲仔飯

第一次整煲仔飯，大成功！好好味呀！

香港節（二）：鹹豬骨粥

車輋下左門牙開始鬆，佢唔係好敢用佢嚟咬嘢，於是我提議煲粥俾佢食，佢即刻話好。

香港節（一）：中式鹹薄𦉘

如果你係長期讀者，應該對一年一度既香港節有印象。每年marco都會有啲時候出trip, 咁我就會煮多啲香港美食，呢幾日我稱為＂香港節＂。

今年marco只係去巴塞隆那短短四日半，加上冇咗dandan喺我身邊（唉，人家回流返香港了😭), 農曆年又仲有十多日先到，都有諗過仲繼唔繼續寫香港節，睇番自己D 舊文，發覺差唔多次次香港節我都有整薄𦉘，見到又想食。

車輋order 的lasagna

Marco出trip前一日一齊去超市入貨，買咗肉碎預備整肉醬。(我會整定肉醬frozen, 方便隨時整千層麵）咁我就問Marco想唔想上機前食千層麵做午餐，佢話求其用肉醬撈個pasta 便可以。但係車輋就話lasagna! Lasagna!

薯片Sushi roll

係街食壽司好多時都會order炸蝦卷，軟殼蟹卷，Tiger roll, 香口得來又有多重口感。不過屋企自家製壽司，唔係次次想炸嘢，咁我呢個薯片壽司卷就可以滿足以上嘅口感。

賀年糕點食譜

好在yahoo blog有備份（http://www.weshare.hk/heartsoup），copy返D賀年糕點食譜先。

我應該下星期先開工。

日式芝士蛋糕

自從成功整咗戚風蛋糕後，好耐都冇整過日式芝士蛋糕。最大原因係因為忌廉開咗只係用一半，逼住要諗下仲可以整啲乜嘢。

做法其實唔係好複雜，不過我都唔係次次做到完美的表面。

2014第一bake: 港式麵包

上年暑假喺香港買咗包臭粉，不過返嚟之後一直都搵唔到。直到今朝，終於俾我搵返！原來放咗喺個茶葉盒裏面，真係2014年第一件好事，即刻整菠蘿包試吓係唔係真係好味D先。