香港節(三）：蘿蔔糕、腐皮卷、滷鴨胸，章魚燒、炸蕃薯、排骨冬菇滑雞臘腸煲仔飯！

一月十七日(星期六），呢日一早Carol同囡囡Celeste入camp, 車輋有人同佢玩足全日，發達啦！小朋友有小朋友玩，大人都一樣全日不停口食，不停口傾，呢日簡直是全個camp高潮。
唔知由幾時開始，蘿蔔糕已經成為了gathering 的a must 菜式。呢日早上，羊煮了粟米粥，一個非常豐富的brunch。

腐皮卷的腐皮係喺香港帶回來的。媽咪帶我去了西洋莱街一間上樓腐皮工場買的，所以特別好味！下次我想試做炸腐皮卷。

我又滷了一個鴨胸，基本份量是4 tbsp 李錦記滷水汁，8 tbsp水，片糖一片。鴨胸先白鑊皮向下煎出油，倒去油，抹浄便可以加汁煮。蒜蓉醋係重點，食譜出自T&P: 蒜蓉2 tsp, 少許紅辣椒切碎，鹽少許，糖1 tsp, 米醋4 tbsp。

傾下玩下，到下午少少肚餓就開始整章魚燒同炸蕃薯，車輋同Celeste都有落手整章魚燒，有得食又有得玩。
章魚燒基本粉䊢：
低粉 100g
發粉 1/4 tsp
蛋 2隻
滾水 160g
鹽 1 tsp
油少許

最後，晚餐壓軸出場的是超級煲仔飯！多謝Carol的臘腸，D餸多到放唔晒！

P.s: 我因為病咗兩星期仲未好返晒，所以香港節拖咗咁耐，我其實好少病，今次真係有一次還清嘅感覺，我仲自我隔離瞓咗幾晚梳化 要食抗生素，隻抗生素叫ABBA! 次次食我都會心唱"I am the coughing queen!"
香港節仲有一編，好快會寫埋，唔想拖過年。