Totoro 9歲生日蛋糕

車輋喺西西里島渡過了9歲生日！

個幾兩個月前，有一日喺Facebook睇到Tastemade Japan一個龍貓蛋糕video，車輋話想我整俾佢做生日蛋糕，我就應承佢，不過話返咗屋企先。咁喺香港嘅時候，我就諗定需要乜嘢模具同材料，喺香港 (開到一街都係)烘焙店買埋返嚟唔使煩。多謝烘焙店教我用竹碳粉去調灰色。

為咗簡單方便，蛋糕饀是之前一日做好的朱古力味tiramisu (加咗少少魚膠令佢硬身）。今次係我第一次做3D公仔唧cream蛋糕，可能因為天氣熱（瀨），D cream唔夠挺，不過亞仔開心我都滿意了。一路整嘅時候，不停哼住龍貓主題曲totoro... totoro, 簡直係4D😁😊。唔使奇怪點解車輋會識得龍貓，其實意大利都有賣宮崎駿電影嘅DVD，不過就淨係得日文同埋意大利文，車輋已經㷛到好熟😂。