炆五香牛肚(威尼斯嘉年華)

金錢肚（有一格格的）唔係成日買到原個冇切碎，所以通常超巿見到我都會買定放冰格，幾時都可以食。以前dandan耐不耐過嚟食lunch, 隨時加餸又得。不過而家dandan搬咗返香港，我都差唔多半年無煮。

超市買的牛肚已經好亁淨，咁樣放好似上court 假髮😂。令我諗起星期一（3／3）去威尼斯所見的古代人！嘉年華係復活節前四十日，每年嘉年華其間威尼斯都好鬧，好似一個大型cosplay party。車輋小學星期一，二都有假放，連放四日好開心，又唔洗幫佢諗造型返學（幼稚園冇假放又要扮嘢）。所以我決定自己帶佢坐火車去威尼斯睇人扮嘢，同Verona 朋友檸檬羊講開，佢都有興趣，咁我哋就一齊旅行去！多得羊相伴，我先可以咁盡情影相。

呢個一年一度盛事，滿足到攝影愛好者之餘亦滿足到做model的滿足感。即使唔係靚仔靚女（其實好多都係上咗年紀的），悉心打扮，加埋面具後，個個都變成super star!

不過有唔少真係本身靚仔嘅，我都被其中一個電咗一電！我一舉機，佢即刻停低擺個chok pose!

我哋當日仲見到船長＂林子祥＂

高貴＂羅蘭姐＂

仲有"四哥＂

我真係好欣賞佢哋咁有heart, 好多detail位都做到足。今次其實係我第三次去，之前分別2005/2010去過，不過今次影得最開心，連車輋都影咗over 200張！