草莓栗子杯

在意大利三月十九日是聖約瑟日，約瑟是耶穌地上的父親，所以呢一日係意大利嘅父親節。

同車輋合作做咗草莓栗子杯作為父親節的驚喜甜品。

首先用我平時雪櫃存貨的曲奇皮焗曲奇杯。我因為沒有焗撻專用的＂石仔＂，為免焗的過程變形，我在杯中間放了些麵包撐住個形（我哋屋企仲有聖誕麵包panettone，所以就切咗一啲去頂住），最後幾分鐘去掉麵包，確保中間同樣金黃鬆脆。（後來kate教我用豆都得，下次會用黃豆，中間放焗爐紙）

曲奇杯仍然微暖的時候，抹上一層nutella。我覺得用黑朱古力應該更加好味，不過nutella就方便好多又唔怕車輋話苦。然後放入雪櫃備用。

栗蓉因為預備時間較多，所以我之前一日已經預備好。

我用的是超級市場真空包裝已去皮去衣的熟栗子。雖然

應該已經熟，不過我仍然會用水煲滾多一會，這樣比較軟身，較容易弄成栗蓉。煮好栗子後，加入糖粉一同搓，糖粉份量是栗子的四份一。然後隔篩成栗蓉。

想Creamy D，我會再加入打起的甜忌廉，然後用九孔唧咀唧出栗蓉。

雖然意大利的父親節是在聖約瑟日，不過母親節卻和大部份國家一樣是五月的第二個星期日。