葡萄牙越野賽車&葡撻之旅（完）

趁仲記得，快啲寫埋最後一篇，美食篇。

呢個行程嘅美食主角，不用多講，一定係葡撻。我地臨上機之前，喺harrods café 都再食多一個葡撻，一家人，一星期總共食咗二十四個葡撻！


海鮮比我預期中食得少，在最後一天遊覽，喺城堡附近食晏，呢一餐的價位不太親民（7x euro)，應該是做遊客生意。食物一般不過景觀一流，算。

我同車輋share海鮮飯，忌廉蝦湯，marco要了劍魚扒。

不過還是頭盤較美味。

 
講到地道，我哋喺近faro睇賽車時，連續兩晩都光顧了酒店格離的餐廳 Manuel Do Norte ( E.N. 125 Cruzamento Vilamoura Faro 8100-068 portugal)。三個人晚餐都只是3x euro, 好味夾抵食。

餐牌主菜第一項係Francesinha, 英文menù 都翻唔到呢個字，我哋上google 睇過圖，見幾特別，所以我就order咗。之後見其他客人都有order呢個，再之後喺里斯本食早餐嗰間老店有貼出嚟，原來係Typical dish。

係兩片吐司中間夾住不同的肉，面層仲有太陽蛋（可以揀唔要蛋）同溶化了的芝士，最底有一個微辣的汁。我覺得是不錯吃的，不過真的很大份！

之後一晚再去，我叫咗燒腩肉，連白飯食，好有港式風味。

我幾意外嘅係原來葡萄牙人都食幾多亞洲米飯。喺food court 行一轉，見到好多間都有白飯食，好多人都食牛扒加一隻太陽蛋喺面，配白飯同大大塊薯片。正因為咁，車輋唔怕冇嘢啱食，白飯加個奄列又可以一餐。

另一樣常見菜式係菜湯，無論在highway 小店至到酒店buffet都有。湯係橙黃色，加有D綠色菜喺裏面。
BACALHAU COM NATAS (Cod with Cream) 鱈魚亦是常見菜式。

總結：葡萄牙飲食消費較意大利平，所以我哋都食得好開心。其中啤酒更只是約1€一杯，Marco話喺意大利街頭飲杯啤酒都最少3,4€!
另外，我哋遇到的葡萄牙人都好友善，喺地鐵站等車時有遇到個伯伯見我哋睇緊地鐵map就主動問我哋想去邊，同我哋講邊個站落車。等tram 28時，又有個人個車度叫出嚟同我哋講D tram 好密，好快會有車。雖然餐廳／food court 唔係個個人D英文都講得好，不過大家都好努力。我哋因為手快快未睇清楚在自動售票機買24小時車票買錯咗，應該係買三張每張6€, 我哋按咗＂3＂，變成一張票裏面有18€, 又有職員幫我哋攪返掂，仲冇收另外兩張票的開card錢（因為travel card 可以recharge, 每張有0.5€ card錢）。感激在這個旅程遇上的好人好事。