動物果仁曲奇

這不是我原創，從小畫公仔我都是抄考的好耐之前已經喺一個日本網站見過熊仔抱住杏仁曲奇，不過一直未有行動試做。昨天又喺fb見到有人整類似嘅浣熊曲奇，我知如果俾車輋見到，佢實叫我整，所以我喺俾佢睇之前真係有猶豫過。

我： 我今日見到啲嘢好得意，俾你睇吓，不過睇架咋，我唔識整。
車：嘩，我想要呀！
我：咁都可以考慮吓嘅，不過唔知幾時，唔會係聽日咁快囉。

今朝上網search浣熊曲奇，見到原來已經有成套模準備好晒，印出嚟就得，仲有好多其他動物造型(下次見到我要買)。想起我都有啲動物曲奇模，雪櫃內又有曲奇皮存貨，曲奇皮唔係剩返好多，開頭只係諗住整兩隻試吓玩。我琴晚唔係㧪佢真係冇諗住咁快整，不過我又想氹佢開心，加上我係天生心急人😅。

我打算聽日俾佢帶返學校做茶點，通常朝頭早車輋梳洗嘅時候我先準備茶點俾佢，我計劃唔出聲等佢返到學校先至發現(應該唔會喺學校感動到喊掛😅）。

其實整個曲奇唔係難，忍住唔講，收埋秘密先係難。曲奇出爐時間好接近車輋返嚟食午餐時間，為咗掩飾唔好俾佢聞到啲味，我特登煮carbonara, D 煙肉香味蓋過一切，又要趕住收埋先可以去接佢放學。如我所料佢一打開門第一句就話carbonara之後就去咗開電視。

因為唔講得出嚟，所以我唯有趕快寫blog, 都叫講咗出嚟，等我個心舒服啲。