新玩具：復活節曲奇

車輋返埋聽日就放六日復活節假，冇錯，呢度復活節假期好短，只係星期一才是公眾假期。所以趕緊放假前試新曲奇模，好讓他明天帶回學校做茶點。

今朝整曲奇，我又係要靜靜雞，不過今次對象唔同，係唔俾得老公知😅
事緣係我哋上個星期一早上一齊喺間鋪頭廚窗見到呢set 曲奇模，同一時間佢亦都睇中左一樣野想買，但係因為星期一早上，店舖体息，大家得個睇字。於是我星期二早上，自己再返去嗰間鋪頭，買咗我哋大家想要嘅嘢。 我諗住留返下個星期佢生日先送俾佢，所以我唔可以俾佢知道我買咗呢set模，如果唔係實估到我買咗嘢俾佢😅。

今次掩飾曲奇香味嘅係花師奶造型麵包pizza。

今年復活蛋我買咗兩隻多啦A夢朱古力蛋，等到下星期就知道裏邊有乜嘢驚喜禮物。
祝大家有一個愉快嘅復活節假期。不要忘記復活節嘅主角主耶穌基督，祂為我們的罪死在十架上，三日後復活。「你若口裡認耶穌為主，心裡信　神叫他從死裡復活，就必得救。」羅馬書10:9



印模曲奇 (約25塊直徑約4cm):
100克牛油混合80克糖，加入蛋黃一隻，分次篩入200克麵粉。冰格雪凍一小時以上備用。