佛羅倫斯美食x2

昨天一次過嘗了兩樣佛羅倫斯名菜並且一日之內見過了三個(全部）大衛像！

佛羅倫斯1kg牛扒出名就之前已經試過，絕對不能錯過。如果冇食過牛扒就離開，我想我會覺得不圓滿。不過今次我都想試聽聞已久，但從未試過嘅中央市場牛肚包！

之前一晚上網search，blog主推介的牛扒餐廳就正正在中央市場附近，所以我決定昨天午餐先去買一個牛肚包同家人share淺嘗一下，然後再食牛扒！

中央市場裏面賣牛肚包的店子不難找，我哋去到嘅時候正正午飯時間，買包都要排隊。牛肚包3.5€一個，用的不是金錢肚或草肚，而是另一個我都唔知點叫的肚，切得很薄，好似薄牛肉，不過就有牛肚的口感。我個人覺得好好味，不過對於小朋友來講太辣。

網上推介嘅trattoria zàzà位於中央市場附近，1kg t-bone 38€, 真係燒得好香好好味，我哋叫了三成熟，口感剛剛好！下次有機會要再去！

吃完牛肚包，再食埋1kg牛扒, 大滿足👍🏻!