2015 聖誕曲奇

經過幾日嘅努力，終於有功課交💪🏻💪🏻💪🏻希望收到我依個雜錦曲奇嘅親朋戚友會鍾意啦。開頭我都好好心機數下有幾多塊曲奇，但係整整吓我就放棄咗😂總數應該大約有400。

今年我自問喺廚房比較懶，冇乜研究新菜式，一日食兩餐都係好求其，今年外食次數亦都比較多。

放假前最後一擊，做咗七款唔同口味嘅聖誕曲奇，當中亦有新食譜，當係補返數，下年要的起心肝努力啲，要煮多啲好味但又食唔肥嘅嘢先得💪🏻 今年年尾找數我係肥咗好幾kg, 平日我會減定肥返香港再食，但係今次真係無能為力，希望香港唔好太熱，可以着件外套遮吓🙈，車輋話：我哋喺飛機先減肥啦，橫掂飛機啲嘢我都唔會食好多😆😂😂😂！好，一於咁話！