廚房新成員（下）

呢個新成員嚟咗我屋企啱啱一個月，好幫得手。
開頭有啲擔心30 cm會唔會太大，不過煮肉連蔬菜一㷛過剛剛好。我就用過佢來整南瓜雞髀，芝士豬扒茄子，排骨菜㷛，蜆肉意粉......等等。

 

除咗依個30 cm新成員之外，還有一個暫托管的20 cm😄。呢個20 cm係我買來送俾媽咪嘅，如果我一早話買個㷛俾佢，佢一定反對，咁我當然係先斬後奏。不過收到貨之後都喺電話忍唔住講咗。我都預咗有說話聽，不過隔住個電話好快可以扯開話題😂。

我未講之前問車輋我講唔講好，講出嚟婆婆實鬧，唔講忍一個月我又辛苦。
車輋：我嘅意見就係：你自己諗！因為嗰個係你媽咪！一係你話你買咗太多兜，唔想要，問佢可唔可以要咗佢。😆😂😂😂兜?!!!
咁我就話我用下先俾佢，咁就當係二手😅，加上價錢實在太吸引唔買對唔住自己！我都係第一次用黑色塗層，好在開鑊都唔係好難。