相識十五年：密室逃脫(失敗）

2016-09-10， 我同Marco相識十五週年！要繼續sweet sweet😊。 今個星期Marco放假(冇錯，上個月先放完暑假又放😅)， 爭取多D時間喺下星期開學之前再陪車輋多D。我哋一家星期二去咗行山，帶埋bubu出咗去成十二個鐘，9點先回到家晚飯，bubu 攰到我哋食飯都冇出來討吃，可想而知大家行得幾咁攰！喺山來回共行了五，六小時。完成時marco 讚大家bravi，而我就答：我哋只是冇選擇，唔通行到一半唔行咩😅。



不過山上的美景確令人心曠神怡。從山頂遠望iseo 湖，中間有一個monte isola島，我哋星期四就去咗遊島，全家都是第一次去。

今日相識十五週年，晚飯慶祝當然唔少得，我哋懶揀新地方，繼續去我哋大時大節經常去嘅restaurant nineteen。不過食飯之前，marco 話7-8pm 有一個神秘地點帶我哋去！marco最叻保持神秘，喺車度，佢先話俾我哋知我哋去緊一個要一家人合作用腦嘅地方，嗰度冇其他人，就得我哋三個😱。去到門口，我同車輋見到係密室逃脫，門口寫住得2%參加者成功逃脫，好似好驚咁，我同車輋好想縮沙😆！
由入門口到入密室，都冇見到一個人（只聽到聲音），入密室嘅密碼都係要自己計出來的。入到去之後，有60分鐘時間，有廿幾三十個鎖要解，鎖嘅密碼喺房內有 提示，要小心，細心，冷靜。例如其中一條鎖匙喺水管裏面，要搵磁石吸佢上嚟。開咗其中一個箱，裏面有一個電話，但又要諗辦法開到另一個盒裏面先有舊電，入 咗電又要搵開機密碼等等，總之就頭都爆！雖然我哋最後都係失敗，不過我都覺得好玩刺激，不過就貴咗D（20€一個人，一家三口60€,即係一分鐘1€）， 不過都係一個特別家庭活動。
Marco 話我哋兩個十五年前已經被困😊😊 十五年後再一次一齊被困。