賀年糕糕糕

星期日晏晝用左四個鐘頭一次過整晒蘿蔔糕年糕同馬蹄糕。同自己講一次過整晒佢唔好阻我weekday 出去跑步嘅時間😊。睇返上年寫嘅馬蹄糕食譜，先至發覺原來我上年都係一日之內整晒三款糕，其實我係咪有自虐傾向😆😆😆！

今年差D整唔到蘿蔔糕(雖然蘿蔔糕平時都可以整，所以無得食都無乜所謂），不過又好好彩星期六晚買到一條細蘿蔔，去皮之後得360克，半斤多啲，少吃多滋味。

車輋最鍾意食年糕，我開頭打算整多啲，點知煮緊糖嘅時候先發覺我唔夠糯米粉😵😩😓，最後只係用咗三份一糖水份量，其餘糖水放喺雪櫃留用。

至於馬蹄糕，因為我係用罐頭馬蹄，唔想開咗之後淨咗唔知點，所以最後整左兩底。

三樣糕之中，感覺以為馬蹄糕健康D，不過其實馬蹄糕要用好多糖，最恐怖嘅係落咁多糖又唔覺得好甜(我好耐之前整過一次芝麻卷，已經知道呢個馬蹄粉陷阱）。不過都係一年一次，等有啲氣氛過節咁，食得落肚，我一定會還💪🏻💪🏻💪🏻，跑多兩個圈😂。
今日行來回5K去中超買糯米粉，雖然唔係趕住整，不過買齊野先過年，感覺好啲。中超個經理係柬埔寨人譚先生，已經識咗10幾年，次次去中超都會同我講廣東 話傾下計，今日當然大家又拜個早年先。之後買到尾聲差唔多走嘅時候，聽到佢同另一個女仔講廣東話，之後嗰個女仔同我傾計，原來佢係星加坡人。自從四年前 Dandan 回咗流返香港，我呢度最近嘅香港朋友都要一個鐘車程先見到面，今日終於喺brescia 識到可以用廣東話溝通嘅朋友，好開心呢！
尋晚喺fb見到有朋友share 熱浪cross over jagabee 薯條，我留言話(用語音）我都好想食呀😍😋，車輋聽到我講，跟住佢逼我寫：
"我個仔都想食呀，流緊口水呀" 😂😂😂 不過可惜聽聞只係得灣仔卡樂B plus先有得賣，$59盒得6x170g好貴呀😩。我條零食癮幾時先可以斷呢😆。
賀年糕點食譜：http://heartsoupkitchen.blogspot.it/…/yahoo-blog-httpwww.ht…