自製肉乾、年廿八洗邋遢

今日年廿八洗邋遢，我都認真清潔咗廚房desktop, 仲吸咗麈拖咗地。一路做一路諗，呢度又唔係香港，我做乜要辛苦自己呢，明明幾日前先拖過地(懶人如我，係一個星期先吸塵拖地的），做咗其實都無人知。每年 年廿八我都有咁嘅諗法，但係每年又好似有強迫症咁，呢日會好自動自覺做extra清潔😏所以我決定影張相，等有人知道我有係咁二洗邋遢😂😂😂。


前幾日車輋問我識唔識整豬肉乾，我暑假喺澳門買俾佢嗰D，佢珍而重之喺雪櫃唔捨得食晒(我知過咗期...😓但係無發霉應該OK掛😆）。咁啱見到勤力嘅美女Zoe整咗，即刻問咗佢食譜，車輋大愛，所以要紀錄一下。

由於我冇紹興酒，又怕紅椒粉辣，所以自行刪減咗。
我用嘅係牛豬混合嘅免治肉約300g, 加蠔油半tbsp, 糖4 tbsp, 魚露3/4 tbsp, 五香粉，菜粉，麻油少許，用kitchen machine (K shape mix)攪拌，放三十分鐘等佢入味啲，然之後碌平，入爐180度8分鐘，倒去肉汁，反面再焗8分鐘，搽蜜糖，再每邊多焗2分鐘。我今次碌得唔夠薄.... 原因係因為慳家嘅煮婦有張用過但係仲好乾淨嘅焗爐紙唔想嘥，但係唔夠大碌唔得太薄😂😂😂下次會有改進，總之車輋收貨就OK。