相識十三年@Spiller Birrerie

9月10號，係我同marco相識十三週年，我哋係911前一日認識的。

本來我哋諗住去一間elegant D 嘅餐廳慶祝, 不過有日講開，開咗間beer house我哋都未試過，咁我就提議不如10號去啦。食乜唔重要，最緊要大家一齊開心，有時浪漫驚喜唔係錢可以衡量的。10號早上起身，餐枱上放咗一封＂情信＂，此刻無價！

話明係去beer house, 當然會暢飲，所以當晚我哋搭地鐵去！beer house就喺地鐵站隔離，離屋企兩個站非常方便。呢間餐廳好大真係有啲去咗德國beer garden 既感覺。

餐牌出乎意料之外的多選擇，除咗平時beer house Typical 菜色外，仲有Pizza， pasta，piadina, sandwiches, 有魚有肉，豐儉由人。

Marco order咗1L beer, 我要咗杯細，得200ml, 放埋一齊真係差好遠哆！

未去之前我已經諗住食豬手補充一下骨膠原，不過佢地豬手都有幾款選擇，最後我揀咗外脆內軟嘅炸豬手。

餐牌上面仲有好多嘢我哋想試，所以短期內應該會再去！