班蘭戚風

  暑假時本來喺香港買咗D班蘭葉諗住帶返意大利，不過最後我唔記得咗拎😅。早幾個星期，喺中國超市又俾我買到新鮮班蘭葉，其實計落都唔係貴香港好多，€3.2有三十多塊。




今次係第二次喺度買到班蘭葉。上一次我用攪拌機加水打再隔汁，今次就勁囉，呵呵呵😇我用慢磨果汁機，一滴水都冇加，好容易就磨出85g汁，汁還汁，榨還榨，方便好多加原汁原味！其實我再寫班蘭蛋糕都係為咗表掦一下部果汁機。



七吋班蘭戚風：
-三蛋黃混合25g糖，加40g橄攬油，40g新鮮班蘭汁，20g奶。全部混合好後篩入80g低筋麵粉。
- 四隻蛋白和45g糖打起
- 先將三份一蛋白與麵糊混合，再輕手混合其餘蛋白。
- 160度焗三十分鐘，倒扣放涼至全凍才可脫模





過去六日，我每日喺樓上油五，六個鐘頭油，返落樓下又要繼續做家務，好攰呀而家趁等車輋上游水堂，先有少少時間update。好在已經差不多油好，應該油多兩三日可以收工(如果老細唔洗我油屋頂）。