端午節感恩事件簿

今朝寫完上篇"端午節鹹肉糭"之後，打電話同媽咪傾左一陣，之後就同車輋去超級市場。
如非必要，我都唔會星期六去超市，因為好多人到好似返咗香港咁😆。 其實昨天下晝我已經去左一次，不過亦都係一個錯誤嘅決定，因為星期五放工時間一樣係人山人海，好多諗住要買嘅嘢仲已經被搶購一空，總之星期五同六都係唔適 合去超市。但係有兩樣野Marco叫我買，我昨天買漏咗(因為見到太多人又太少貨，我太心急逃離現場），雖然唔係D好急着用嘅嘢，但係因為係佢落 order，我個心都有D唔舒服，想快啲買返。

所以咁就決定帶同買餸戰車，速戰速決。因為如果要係超級市場攞推車，一定行唔到。我哋超市買嘢可以自己拎一個嘟嘟機，自己嘟bar code, 放入自己購物袋/車，自己check out, 咁樣可以慳返好多時間。間中check out嘅時候會抽樣調查, 要你攞晒啲貨品出嚟俾佢再計一次睇下有冇計錯數，如果全對，超市會比多你二十分積分。

當我極速去指定地點攞咗我要買嘅嘢之後(包括昨天缺貸今日已經補咗貨嘅廁紙同啤酒），check out 嘟咗之後，我先驚覺自己冇帶銀包😱😱😱😱😱😱登登登登..............,


平日我係有D救命錢放喺電話同散子包，不過加埋都唔夠數。呢個時候.......
一個熟悉嘅背影再次喺我前面出現！！！頭先去幫Marco 買洗頭水嗰時，人山人海中撞到Andrea (marco細佬，車輋叔叔）買緊洗手液。當時冇見到佢有手推車，我諗住佢買少少野就已經走咗。我正猶豫應該打俾Marco定係放低晒啲貨品走人嘅時候， 就正正係我對住嗰行，再次見到Andrea背影😭😭😭實在太感動了！最後當然係佢幫我嘟埋，下次比番佢。
我咁大個人係第一次去到俾錢嘅時候先發覺冇銀包！(好在係自助）非常非常感恩的一件事，多謝天父👏🏻🙏🏻

午餐烚咗兩隻糭，加xo醬同辣椒豉油，兩樣都係香港帶返黎嘅，大家應該開始明白點解我啲行李咁重😄。