意大利人的牛雜：Antichi Sapori Palermitani

上文提過的Palermo 地道牛肺包，我哋又再去幫襯試吓其他美食，而我嘅目標係羊腸包！忍唔住要開一篇文記下這間正中地道小店： Antichi Sapori Palermitani (直譯大概是Palermo人古舊風味）Via Messini Marine, 683, Palermo 90121, Italy

我哋上次發現呢間店純粹是路過，小小店舖擠滿了人，Marco第六感覺得裏面有好嘢食。之後我上tripadvisor睇，果然好評如潮，參考過人哋 post嘅食物圖，我決定要試一下羊腸包和牛面肉/牛腳沙律，Marco要了牛肝包，車輋好保守的要了雞肉腸包，加埋啤酒汽水都只是15歐元。

Order咗之後，睇住佢哋整，企喺度食，食完先俾錢。食食吓嘅時候，有人order牛雜，店家就喺一個大煲內抽出用勾勾好的好雜，再每樣切D，一大碟上，9€/kg。三個食客一齊share呢碟浄牛雜。

至於我個羊腸包，QQ的很有口感，不過比牛肺膩一點，用嘅麵包冇牛肺包咁香酥，不過都算美味。而一路食牛腳沙律，我腦海只有骨膠原呢三個字!

其實諗諗吓呢到嘅牛肚牛肺包其實同港式食法不同的只是一個配麵包，一個配粉麵，都是美食。不過雖然話意大利人都食牛雜，但係講到呢類專門賣牛雜嘅店舖，就要係指定城市先會有，因為機會難逢，所以我特別覺得好味。
已經計劃好我哋下次再去，我要試羊/豬腸串燒😋。