秋遊、烤肉、懷舊lego

星期日開始了今年的冬令時間，適逢十一月一日意大利假期，我們過了一個長週末。
星期日我們搭火車去了湖邊，desenzano離我們家只有大約十分鐘火車，唔洗擔心泊車問題，搭火車是一個好選擇。下次家人朋友來探我們，又多一個旅遊景點。

車輋細個嘅時候，間唔中都會去湖邊睇下天鵝鴨仔，免費又開心的娛樂。今次再去，頓時覺得小朋友大得實在太快，時間可以過得慢D就好。今次去湖邊主要是因為marco見到城堡裡面有免費lego展同任小朋友玩lego。當然有展覽自然會有檔攤，喜出望外我竟然執到寶。
我細個嘅時候興嘅lego叫fabuland，是動物埸景lego。我有兩盒，分別是麵包店和機場。幾年前我喺ebay買倒另一盒，雖然不是完整，但係都 好開心。我哋問咗幾個counter有冇fabuland，所有人都答呢種lego好舊的了，我知我老啦，就是年紀大先會去懷舊。好幸運地有一個伯伯話佢 有一袋(密實袋pack的一袋），裏面有7個不同動物figures加另一個唔係fabuland 系列的，不過亞伯話一齊賣8歐！我覺得好抵呀！




之後行第二𨍭，喺同一檔我見到細個媽咪買俾我嘅消防局！1985年出品，有盒有說明書。猶豫咗一陣，marco話當另一份生日禮物😍最後亞伯平咗兩歐，48€成交！（我之後上ebay見有人賣差不多七百美金）好開心呀！我仲記得當時我揀呢盒，就是因為鍾意車房的閘門！星期一同車輋砌，佢都話好玩😁。我哋打俾媽咪，marco仲同佢講妳個BB就嚟xx歲，仲買lego 呀😂😂😂。



因為放假，所以我們在家烤肉，唔洗我做就最開心。食飽之後我同車輋行上城堡，因為冬令時間，所以好早黑，不過可惜多雲霧，睇唔到日落。