意大利的心靈湯: 西西里島美食

今年夏天，我哋一家去了意大利南部西西里島渡暑假。選擇了從米蘭坐個多小時飛機到Palermo, 到埗後再租車。我哋住的apartment位於Santa Flavia, 離Palermo市中心十分鐘火車。

選擇去西西里島，當然是為了清澈嘅海灘。由於我哋只是租了住嘅地方，所以每一日行程都好free, 可以選擇去唔同嘅海灘或者市內參觀。到埗之後一日，去咗一個石灘，近岸已經有好多手掌大嘅魚喺度一齊游水。

呢度D海灘有入場門票，包沙灘椅和太陽傘，下午二時後入埸有半日票。如果只是路過游一下水亦可以自己鋪毛巾喺沙灘，唔洗俾錢，不過就要自己霸位。好多意大利人嘅暑假就係日日攤係沙灘😅。佢哋認為乜嘢都唔做，relax 一下，先係好好享受假期。唔似得香港旅行團嘅十天八國遊，淨係聽都覺得攰過返工。不過當然係文化唔同，香港人嘅假期好寶貴，而意大利人係強迫放暑假，很多公司都會全公司放兩個星期（或以上）暑假。即使係餐廳，店舖，一樣可以暑假休息。上個星期我哋諗住去市中心一老店買佢哋獨有嘅厚pizza, 去到門口見到佢寫住8月2號至29號放假，這樣才是生活吧😄。

西西里島除咗海灘靚之外，都有帶俾我美食驚喜。同北意大利好唔同，佢哋有好多街頭小食，感覺比較接近香港。北意早餐多數係甜嘅牛角包，南部依度竟然差唔多每一間鋪頭都有腸仔包，仲要係好香港風味，正確啲來講，比起近年香港嘅空氣包，呢度嘅腸仔包係更加真材實料同好味👍🏻。對我來講係一個驚喜，車輋亦喺西西里島食咗佢人生第一個腸仔包😍。

除此之外，我亦試咗Palermo 出名嘅牛肺包！去年在佛羅倫斯試咗牛肚包，今年就喺西西里島試咗牛肺包。

我覺得好味，不過冇醬，原汁原味，但係個芝麻包好香脆，都好夾，上年嗰個牛肚包就有啲辣汁。個牛肺包即叫即整，新鮮熱辣都係2€,我覺得非常抵食, 南部嘅物價果然係平啲。
至於甜品，我記得好多年前我問Marco點解依度啲甜品冇香港咁色彩鮮艷，成日都係黃色為主無添加糕點。佢當時答我，要去西西里島先會見到色彩鮮艷嘅甜品。不過嚟到之後，因為我怕佢哋好甜，所以都未係好勇敢嘗試，只是試了出名的cannolo，還可以接受。