飯糰

喺網上面見到好多媽媽都會做D可愛飯糰俾小朋友pack lunch。市面上亦有很多非常可愛的輔助工具。



車輋學校只可以選擇學校訂飯或回家吃飯，無得帶午餐，只可以帶少少茶點小息食。
今日Marco返唔到嚟食lunch，我比較得閒，於是做了些可愛飯團比車輋一個驚喜。佢返嚟見到真係"嘩＂咗一聲！

其實我呢D只係BB level飯糰，網上高手多的是。不過能夠氹到個仔開心食，已經算成功啦。

食到最後一隻貓，我偷望車輋，見佢拎起，望住幾秒，又放返低，佢話：＂我都係唔食嘞，咁可愛，我想留返！＂咁我就話，＂不如你影張相，之後咪可以食囉＂

車輋入咗房拎佢部電話（係我哋的舊電話，俾佢當遊戲機和相機的），佢一時搵唔到部電話，竟然同我講.......:" 媽咪, 你試吓打俾我啦！＂我係廚房真係忍唔住笑，亞仔，你幾多號電話呀？？

車輋搵番部電話後仲同我講個screen有個電話icon喎！
係就係不過冇sim card呢！

影完相終於可以食埋最後一舊，佢放左落口之後竟然冚住隻眼！好似覺得好對唔住隻貓咁，實在太可愛了！