馬年第一bake......馬......卡龍！

過年前忙於預備賀年食品，感覺好耐冇開爐。年初二終於忍唔住，一於整D馬卡龍，順便初三團拜時可以同朋友分享。

隔咗個多月冇整過馬卡龍，原來係會生手，做法都係跟足以前，不過今次都唔係百份百成功，要多D練習。

用白朱古力調色，畫咗D桔，呢次係我自己諗的（冇幾何），如有類同，實屬巧合！開頭畫好似唔多似，試下畫喺中間，不過車輋話如果畫中間，應該豎起先啱。另外少少哋寫咗福同吉，我D麥嘜字體無謂獻醜。