班蘭戚風蛋糕（新鮮班蘭葉）

無意中喺中國超級市場見到有新鮮班蘭葉買，咁難得見到，又買來玩下。


網上面有好多唔同方法做斑蘭汁，我最後係用咗攪拌機打爛然後隔汁。車輋負責剪碎班蘭葉，我就加少少熱奶去打。其實網上做法係加暖水，不過我見平時做戚風蛋糕有加奶，咁就用左暖奶。一路打，我同車輋都覺得好似剪草嘅味道！

我用咗8塊葉加約60ml奶，本來想用少D液體，不過好難打。打好的斑蘭要用熱水坐住，好似話咁樣先可以提昇佢嘅香味。

戚風蛋糕是四白三黄的份量，不過今次試了一個新食譜（http://missjubie.mysinablog.com/index.php?op=ViewArticle&articleId=1662697），糖油粉的粉量和我做開的不同，又睇下會唔會更加好味。

做法是：
1）三個蛋黃加30g糖，加50ml橄欖油，50ml 班蘭汁，籂入60g麵粉和半茶匙泡打粉

2) 四個蛋白加60g糖打起
3）先將三份一蛋白拌入麵糊，然後混合其餘蛋白
4）160度焗三十分鐘
5）出爐後倒扣至完全放涼後才可離模 （等嘅同時最好就係洗碗，清潔現場）

由於我沒有椰油，我覺得用斑蘭香油比新鮮斑蘭葉香，不過我呢個第一次都還可以。

蛋糕texture好好，好軟綿綿，放一，兩日都依然好味，下次做戚風可以考慮用呢個份量。

星期日去爺爺嫲嫲家食午餐，帶了三小個cupcake size讓他們試試 (麵糊份量太多，每次做一個戚風之餘都可以另多做三個cupcake)。雖然Marco對戚風蛋糕興趣不大，不過我直覺覺得老人家可能會鍾意軟綿綿的蛋糕。

Lunch後Marco拿出舊相片，有好幾張同車輋真係好似樣！我多口問爺爺同嫲嫲係點認識的，好impressed爺爺全部都記得好清楚！佢話當年佢喺佢爸爸的藥房工作，閒時會到店外廣場，挨在一小石牆，向經過的女孩吹口哨，多數女孩都會向呢個藥房太子報以微笑。當年，1950年，嫲嫲在廣場的另一面學縫紉，經過廣場到藥房對面的肉店買東西，爺爺向她吹口哨，但是嫲嫲望都冇望佢，很cool的走到肉店。然後爺爺跟上去肉店，爺爺說佢認識肉店的人，而肉店工作的人剛好和嫲嫲是同名的。爺爺入內店員打召呼，當時嫲嫲臉紅(我覺得嫲嫲當時可能好害怕，有飛仔跟住喎)，這是他們的首先邂逅！


之後，有當地的fiera (exhibition)，爺爺約會了嫲嫲。不過那第一次約會，嫲嫲竟然是帶來了她的姑姐！到走的時候，爺爺送嫲嫲回家，姑姐離開後，1950年5月13日，大約夜晚10:30, 便是他們的first kiss，7年後便有了第一個兒子。

爺爺平日是一個嚴肅的老人家，當我聽完呢個故事後，我對爺爺有所改觀。超過半世紀的事，仍然可以咁詳述，我仍然能夠感受到當時的那份甜蜜。呢個故事，連Marco都係第一次聽！佢仲話佢爸爸講俾我聽的，仲多過咁多年來講俾佢聽，咁我話，係你自己冇問吧！