心太軟

心太軟係我初到意大利時在網上學的，都應該是十年前了。當時廚房連food processor, 電動打蛋器都沒有，kitchen machine 更加唔知係乜，所以我只會揀那些不用打起蛋白的食譜。而當食譜有麵粉和發粉，我便會用自發粉(farina che lievita)代替, 因始就出現了我呢個超簡易又好味嘅心太軟食譜。

以下呢個份量，可以做到三個8cm的心太軟。其實平日我多數都只係用食譜一半份量，來三個迷你版，不過見昨天是結婚十一週年，一於大份D，要繼續sweet sweet！

1）預備一個可以入微波爐的容器（唔用微波爐，隔水溶朱古力亦可，不過話明簡易食譜，我當然係用微波爐），放入80g牛油和80g黑朱古力，分兩三次叮溶，每次大約30-45秒，因為如果一次過叮太耐朱古力會燶，所以要叮下搞下又叮過

2）直接加40g糖入朱古力漿，由於朱古力漿是暖的，所以很容易拌勻糖

3）將兩隻全蛋直接加入朱古力漿，拌勻

4）籂入40g自發粉

5）將mixture放入焗杯中，然後放入雪櫃（不是冰格）三十分鐘或以上（呢個就係軟心嘅重點)，基本上食飯前放入雪櫃，食完飯就可以焗

6）180度焗約15分鐘，見中間部份疑似火山爆發，岩漿準備流出便成

焗幾多分鐘其實都係要靠經驗，太濕可以多焗幾分鐘，唔夠流心就下次自己調教。不過焗好之後記得要拎出來唔可以放係焗爐等，如果唔係焗爐餘溫會令到個心都實埋。

食時想靚D可以加糖粉上面，再拌生果，雪糕一齊食，Marco就鍾意加bailey。