腸粉 & more......

腸粉做法唔係難，不過因為一次蒸一塊，所以需要一定時間，好多時蒸到尾聲，都有倒咗D粉漿落廁所嘅衝動！(事實我真係曾經試過😅)下次再整都係唔好用哂成包粉。


其本份量比例是：
粘米粉 150g
水 450g （粉的三倍）
粟粉 1tbsp
澄麵 1 tbsp
油 1 tbsp

呢個基本份量大約可以做五條，而我今次用晒成包400g粉，整咗兩三個鐘！

所有材料混合後靜待四小時以上（這是我多年前在bonbon kitchen 食譜教的，不過今次我只等了一小時也沒出問題），平碟掃少許油，加一層薄粉䊢，中大火蒸。至於如何弄得薄，用幾多粉就要自己試。

有食譜教用微波爐，聽落好似好易，不過我就唔成功。叮到部份龜裂都仲未熟，所以都係明火蒸比較易控制。

整嘅過程，有些太厚不好捲的，我切了條，變成河粉！

即刻醃D排骨放過夜，加芽菜，青椒，䜴椒炒河完成！