猴年新年團拜(一）:小食

今年年頭，Marco唔洗出trip, 冇得喺屋企攪camp(作反），所以今年blog冇咗"香港節"。有關香港節嘅舊文章可以自行search "意大利的心靈湯香港節", 重複講一次，係心靈湯，唔係心靈雞湯，冇個雞字㗎！！點解？如果真係識我嘅人，由其是中小學時期已經識我嘅就一定知點解😄因為心靈湯正是Grace本人的中文名字倒轉嚟讀😆😆😆。

雖然今年冇香港節，但係年初七，人日兼二月十四情人節，喺我屋企挍咗個大party, 一共有七個家庭一齊慶祝，當日嘅食物絕對比得上香港節有餘，由於食物太多，要分幾次post。

首先講吓小食:
上一篇已經提過有笑口棗，今年破記錄一共炸超過三百粒笑口棗，足夠全年日日笑口常開😁😁😁。

今年亦都encore 咗牛耳，不過今次南乳是泰國出品，比起之前用的油份水份較少，顏色比較紅，但是口感硬了一些，可惜。

見炸開牛耳，順便炸埋蝦片，特別要影低蝦片包裝，係我返香港時喺藍田一間印尼食品鋪買嘅，大家都覺得好味，下次返去再買。

另外，因為新年要有雞，所以除咗叉燒酥之外，特別包咗一D用雞髀肉，洋蔥，蘑菇做餡嘅雞酥。

白汁做法是參考韋大烹飪教室 (http://irenechanwai.mysinablog.com/index.php…)
20g牛油，1tbsp麵粉炒至冇粉粒，混合已經炒熟嘅材料，再慢慢加奶至自己滿意的稀杰程度。

最後還有腰果酥。羊話腰果形狀似元寶，好啱新年喎😄。其實本來原食譜係杏仁酥，不過我屋企冇哂杏仁，所以我用左腰果。
食譜參考自翠兒嘅blog, 民以食為天（http://shuen129.blogspot.hk/2016/01/blog-post_24.html?m=1）
原食譜話可以做到64個，不過我就淨係做咗40幾個，應該係做得太大😅
牛油 75克
白油 75克 (因為依度冇白油，所以我用左40克牛油加35克豬油代替）
糖霜 120克
雞蛋 1隻
麵粉 300克 (我用中筋麵粉）
發粉 1茶匙
梳打粉 1/4茶匙
我開頭想像中的口感係比較似港式合桃酥，不過結果係比較鬆，不過都好味。