梅菜蒸鲤魚Carpa

(內有血鯹劏魚圖，慎入）

原來一條魚可以令我開心成日，車輋都話係天父俾我買到條魚可以開心D。

話說我每次返香港都要求食好多餐蒸魚腩，因為呢度冇得食。聖誕節時，Marco同我哋一齊返香港，見我食得咁開心，於是我們開始研究魚的品種。我 Google 鯇魚，英文名grass crap，Marco話意大利有，意文名Carpa。檸檬羊都話見過，不過係鲤魚。我再Google 鯉魚，英文名crap，咁我覺得佢哋就算唔一樣都應該係親戚啦。

我就從來沒有在超市見過，心想可能只有魚檔才有機會有售。直到今日，我去了屋企附近一間超市super dì(並不是平日去開較大的esselunga), 竟然俾我見到有4條鯉魚放喺雪上面，頓時雙眼發光我價錢都不用看便叫賣魚勝給我一條！其中一條鰓同尾仲郁緊，賣魚勝仲問我俾條仲生嘅我好唔好😆佢見我猶豫，就揀咗另外一條俾我(其實我真係驚一陣切佢仲郁😅), 重1.6kg, 13€。我請賣魚勝幫我打鱗。

返到屋企即時打俾媽咪(出門前本來已通電話），報告一下我買咗成條鯉魚返屋企，再取經要如何處埋。

之後我先發覺原來條魚係未劏的，即刻有D緊張😱我咁大個人第一次劏魚(好細條嗰D唔計啦）！我當然不似魚檔的手起刀落，我主要是用剪刀。
雖然過程有些血鯹，不過當我見到魚鰾時實在太興奮(我最鍾意魚卜，喺香港如果好彩見到成pack魚鰾我一定會買的）。我又打俾媽咪問下佢對魚內臟的意見😅不過媽咪建議我只留魚鰾，怕魚春污穢。

劏好之後，即刻用鹽，胡椒粉醃一下，加油，用梅菜薑大蔥蒸咗半邊魚腩加兩個魚鮫，蒸熟後加䜴油。其餘部份煎過後入冰箱待用。

呢餐午餐食得好感動，好有香港風味。我同Marco講，點解我要過咗咁多年先知呢度有呢D魚賣㗎！之後我就話，我開始擔心之後買唔到😆 Marco即刻同車輋講，女人就係咁，上一分鐘仲好興奮，下一秒又揾嘢擔心😂😂😂!