猴年新年團拜(完）:甜品時間

  雖然午餐好豐富，但係甜品仍是不能缺少的。老公們食完pizza返嚟，飲吓紅酒食吓芝士，就到咗大家一齊嘅甜品時間。

 由於gathering呢一日咁啱係情人節，於是有人提議要心形蛋糕，所以就做了一個心形栗子忌廉蛋糕(好友限定版😆）。

 栗子蛋糕(by Grace)

 檸檬撻(by Kate)


其實我不擅長抹cream，所以蛋糕最後仍然看得出是一個心形，我都已經感到安慰😅😅😅。我仲記得細個我不太喜歡栗子蛋糕的，不過嚟咗意大利之後， 發覺老公同唔少朋友都喜歡栗子蛋糕。喺意大利很少有我哋香港食慣的鮮忌廉蛋糕，所以我就開始自己整，它對我來說，除了好味之外，亦有著港式風味。雖然製作 過程不是一個上午可以完成的小兒科，但見到家人朋友們食得開心也是值得的。

今次呢個蛋糕有三層海綿蛋糕，用了6隻蛋白，5隻蛋黃份量。

而栗子忌廉就有500g栗子，140g糖粉，加400ml甜忌廉，另外200ml甜忌廉最外圍用(最後冇用哂全部cream, 我俾車輋用唧袋在多出來的海綿蛋糕上玩唧花)。

至於蛋糕裝飾，豪無美術天份的我開頭打算用士多啤梨切片去裝飾，不過切完之後，我發覺蛋糕因為不是一般的圓形，我跟本不知從哪裏入手放士多啤梨片😆😅羊起初仲建議我將士多啤梨切成玫瑰花形，仲揾埋YouTube 俾我睇，睇落就唔難，不過我切完之後覺得比較似中式伴碟，自己都不能接受，所以最後還是放棄了，將切咗嘅士多啤梨放碟邊，再刨些朱古力碎放面算了。

除了我的栗子蛋糕，Kate亦即場焗了一個檸檬撻，我哋仲開咗支moscato 高興一下。
雖然預備呢次gathering確實有些攰，不過我還是為到能夠喺呢度有一班香港朋友一齊過節而感恩，辛苦也是值得的。祝願大家每日都過得開開心心，家家平安幸福。