車輋小學有三班一年級，每班22人，開頭九日(連星期六)返0830-1230, 之後23號開始返全日，不過車輋可以返屋企食午飯，所以返學時間係星期一至五，0830-1230 然後 1400-1600。由於小學可以選擇喺學校食定返屋企食午餐，我哋住得咁近，加上車輋三年幼稚園都只係食主菜一的飯麵，從來都唔會食主菜二的肉(是的，幼稚園的餐單已經有兩個course),每日俾成七歐元淨係食pasta，返屋企好過啦！一年飯錢已經等於我同車輋返香港來回機票！(大家唔洗擔心，佢喺屋企有食肉的)
講返車輋第一日返小學，佢之前已經講咗好多次驚，不過前兩日開家長meeting我哋帶埋佢去，咁佢已經見過老師們，又去過課室，個心應該定D。今朝等開門時見返D幼稚園同學，又開心多D啦。
車輋，但願你每日返學都開開心心，媽咪會同你一齊加油的！唔係講笑，佢開始要做功課，即係我都要一齊學啦，大家一齊加油！
7€? 真糸好貴噃!!! 十姐而家每餐2.8€ (有湯+主餐), d伙食仲好過我糸屋企食既~~ 佢今個星期上全日制, 上星期試上半天, 一切安好, 每日我要踩單車送佢上學, 要踩12分中路程 :)
回覆刪除正確來說應該係7，25€！兩個月290€!
刪除小學我唔知幾多錢，不過我估應該差無幾，我成日都話去ikea食兒童餐都唔洗兩歐。
我哋返小學仲近過以前幼稚園，同老師合照嗰張相後面嗰幢咪我哋住，不過係另一邊窗，個廳都望到少少學校，近到呢。
十姐返學都唔近喎，不過踩單車可以當運動。
7euro真係幾貴......自己整又有營養又可以控利成本......
回覆刪除最重要係佢咁口味，呢個仔食嘢好煩。
刪除岩既, 如果近對面甘近, 真糸寧願番屋企食, 妳又知佢口味, 甘咪可以煮多d佢中意食既野啦!!!
回覆刪除踩單車可以當運動, 但如果落起雨, 我地都成身濕晒, 如果行路, 行20分鐘.. 我而家每日都比佢系學校食熱餐, 同d同學一齊食, 正因佢系屋企食得好差, 但系學校居然會食魚, 菜...系屋企就吾食既, 甘既然佢糸學校食得好ok, 甘更加要留糸學校食嘞, 間學校又有埋 Vegetarian Meal可以揀 : mushroom burger, carrot burger, pasta with mushrooms, ratatouille with pasta.. 所以我覺得好吾錯..
一個月伙食貴過我一個月用o既零用...哈哈哈！
回覆刪除咪係，我都覺得我零用都冇用咁多，而家真係限返兩張來回機票！
刪除