漢堡扒

平日買免治馬肉多數都係tartar生吃，不過呢次Marco話用嚟做burger。
印象中我未試過做漢堡扒，所以當然要上網搵下食譜。見好多人都係參考masa的食譜，一於試下。

呢個食譜好易記： 4：1：1：1
就係400g 肉（可以係牛豬再7：3），100g 洋蔥（先炒熟），100g 麵包糠加奶（30g麵包糠先吸收70g奶，一定要兩者先混合好再加入其他材料，否則直接落奶會太濕），蛋一隻。
自行加salt&pepper。



所有材料混合好做形後放雪櫃雪一下才煎，雪幾耐視乎你有幾多時間，趕時間的話，唔雪亦可。

兩邊煎好後熄火加蓋焗五分鐘。我哋鍾意呢個時間唧D茄汁，加塊芝士上面等佢自己變軟。

呢個食譜真係好juicy ,我哋食完冇耐再追加了豬牛肉漢堡。