今年返香港，買了個多士模，從此就可以自製厚多士了！
我本來係想買個細D，不過冇睇啱，後來見到呢個四十蚊有找便買了。
為了我的第一條方包，我上網搵咗個＂超鬆軟方包, 新手都成功＂嘅食譜，呢個標提實在太吸引！今次我跟足食譜，十分成功！
第二次發烤中
唯一美中不足是我個模大咗D(通常一係450g一係900g, 唔知做乜我呢個係500g), 所以差少少頂唔到角。同埋，個模明明話non stick，但係我要用D力先脫倒模，最過份係用第一次已經有少少黑色嘢脫落！真係一分錢一分貨，要考慮下次買過個高質素D嘅！
不過口感同味道都十分成功！連車輋都話"真係好味喎！"
我先用牛油煎到表面香脆，然後分別加了nutella，花生醫，煉奶和肉鬆，再加一杯熱奶茶，一個好滿足的下午茶！
食譜出自：馬雪莉-我家也是麵包店
高筋麵粉 330G
糖 25G
鹽 4G
速發酵母 4G (我用了10g鮮酵母)
水 200G-230G (我用215g)
奶粉 15G
牛油 20G
我好愛厚多士架， 普通多士都係差少少…
回覆刪除花生醬+鍊奶--->超好味～ 我鍾意粗粒花生醬～
早晨呀，妳真係好早起身！
回覆刪除我一路食一路諗起toast box, 又可以省返二三十蚊
我係一名早起既農夫…哈哈
刪除朗豪坊好似有間？？？
我都食過，好好味， 又濃花生香～～～～
And apm also have toast box la!
刪除又係喎~~~
刪除你下次去上海街買嘛，要買外面銀色裡面金色o既，真係non-stick o架，我咩都唔駛塗，就咁塞麵糰入去, 焗好就可以脫模呀！
回覆刪除我係喺上海街買㗎！不過唔係大鋪。
刪除我開頭喺二德惠睇先，不過見唔平，當時又得大size所以冇買，點之行行下有間細鋪，入到去佢問搵咩，佢摷咗呢個俾我，三十八蚊，我真係講咗句＂咁平？＂下次都係唔好貪平。
買呢d 模具我一定去陳枝記, 價錢唔一定平但合理, 最重要品質好, 我個雪芳蛋糕模用了n年無生鏽, 反而係KAI買o既甩non-stick 同埋生鏽...
刪除講開雪芳模，我今次都有買，又係開頭買咗個平嘅，之後喺陳枝記見到靚好多，我都單買咗中間個心，等緊試。
刪除