2016 聖誕家庭聚餐

基本上部份食物同兩年前是一樣的(去年因為我哋係香港過聖誕，所以冇搞意大利家庭聚餐），有啲食物，就好似香港農曆新年咁樣，是每個家庭自己的傳統，一定會係特定日子出現。

對於我地來講，聖誕節一定會有奶奶做嘅南瓜雲吞，不過因為唔想奶奶咁辛苦自製雲吞皮(佢嘅壓麵機是手動的），所以兩年前開始，我哋會喺麵鋪訂購一匹布咁嘅 未切割pasta來做雲吞皮，至於雲吞餡，仍然都係由奶奶先預備好，組合嘅工作就交比Marco同車輋(因為前一日每次我都好忙清潔屋企）。

意大利人聖誕會食cotechino （上年我哋都有帶返香港），簡單形容就好似意式嘅午餐肉。今年除咗傳統配菠菜一齊食，我哋仲用佢加saten 酒整咗一個risotto。

Spiedo烤肉是brescia 的特色菜，對於仍然講bresciano（鄉下話）嘅老爺奶奶來說十分對胃。我只需要負責買同預備食材，之後有「專人」負責烤肉。

雖然餐聖誕大餐，由中午開始一直食到五點，但是甜點永遠是不可或缺的。今年我做了chocolate moouse cake, 傳統咖啡tiramisù 同綠茶tiramisù ，開心大家都大愛。
我預備了曲奇作為大家的聖誕禮物。老爺奶奶的説話令我感到好窩心，更有動力去寵他們：
奶奶：D 曲奇我要收埋㗎，如果唔係，佢會食晒
（老爺擰住袋曲奇，我複述奶奶嘅說話佢聽）
老爺：佢都有食架，我有數住😌
奶奶：哈...你咁唔信得過我😂😂😂
見到兩老爭食，氹得我好開心，多謝所有愛我和愛我出品的每一個，我會継續努力😊。