泡芙

呢幾日沉迷於睇Bake Off British, 好鍾意佢哋嗰句＂on your mark, get set, BAKE!"
兩星期前意大利都開始咗做Bake off Italia, 上星期Jassica講我先知，逢星期五晚21:10 real time台（31台），一睇之下愛上。Kate 話英國都有，即刻上網睇，煮飯又睇，燙衫又睇，一路焗蛋糕都一路睇，佢哋焗我又焗。正如Kate講，後遺症係好想試吓整佢哋整嗰啲嘢。今朝燙衫嗰時睇緊一集整泡芙，我忍唔住食完lunch即刻整！遲啲仲想試吓整麵包條。

泡芙只是好多年前做過一次。
一路食lunch一路上網搵食譜，見到一個食譜話係萬無一失。最鍾意呢D咩嘢＂零失敗＂，＂新手也成功＂嘅標題，一於就呢個。

其實泡芙好少步驟，所以我預先準備好材料，因為所有嘢喺好短時間完成，冇時間去到嗰個步驟先至慢慢量材料。

我用了食譜的¼，可以做到四個大泡芙。
先將60g水和30g牛油煮滾，一次過加入30g麵粉（我參考了另一個blog用了高筋麵粉）。

混合好後，分四次加入一隻雞蛋。

攪拌至能夠停留在匙羹上不輕易滑落，放入唧袋唧出所需要的大細，170度焗約25mins。

有食譜提示話出爐之後用筷子開一個窿，可以保持定形。

饀我只是打起了上次做卷蛋用剩一半的甜忌廉（消滅呢半盒甜忌廉亦係我想做泡芙嘅原因），Marco見我整咗咁大個都嚇一跳，因為佢expect細細個一啖食晒嗰種size。我整大個係因為暑假喺香港時，喺地鐵站買過兩次泡芙比車輋食，想整一個差不多嘅俾佢。下次再做我會做番細size，或者可以考慮吓加入栗子蓉忌廉！