意大利的心靈湯: 11月 2016

2016年11月30日星期三

整咗D义燒酥，應朋友要求，再記錄多一次食譜。

整得呢個湯亦代表到天氣轉冷。

由於車輋一，三，五下午都有課外活動，所以我會lunch後盡量煮定dinner （有夠忙

😓），咁返到屋企之後唔洗等太耐先有得食。

呢個爐係Marco今年6月頭買的。話係surprise, 完全無問我意見....好明顯佢係知道我會反對！

呢篇其實遲咗八個月寫，不過D相仲喺電話度，咁就遲到好過冇到啦。

呢個LC 茄子盅

😊 我好耐之前喺人哋blog見到已經一見鍾情，不過一直無緣見真身，我以為已經絶咗版。今年春天，香港LC開倉，有靚女問我有冇嘢啱，我想都唔洗想就order咗呢個心頭好

😍。暑假返香港我親自揹佢返嚟，等到9月21，秋天正式開始，天氣亦帶涼意，終於可以用佢嚟整意式焗茄子：Parmigiana di melanzane 😋。

Grace Fried Chicken, 車輋話好食過Kfc

😂 ，唔辣所以啱佢食。
因為整麵筋開咗D油，咁就順便炸埋雞翼同番薯。

睇返自己啲食譜，原來對上一次整麵筋已經係2015年1月（http://heartsoupkitchen.blogspot.it/…/2015-115-18camp-marco…）。當時寫低咗「不過冬天洗咁多次隻手真係好凍，整麵筋都係夏天適合D。」趁住依家天氣未咁凍，又嚟玩下。

喺中超見到新鮮班蘭葉就忍唔住買嚟整戚風蛋糕，睇返自己的記錄，大慨一年一次。

一向生日蛋糕都係買嘅，不過今年好想完成一個想試做好耐嘅蛋糕，所以我就叫車輋同我合作，我預備好材料，佢做後期製作，咁就唔係自己整蛋糕俾自己啦。

幾個月前，媽咪喺電話話買咗嘢俾我(真係冇幾可

😊），佢話三十蚊，真係玩具嚟，買俾你玩吓！暑假嘅時候我就帶咗呢個玩具返嚟。