入秋:洋蔥湯

整得呢個湯亦代表到天氣轉冷。

由於車輋一，三，五下午都有課外活動，所以我會lunch後盡量煮定dinner （有夠忙😓），咁返到屋企之後唔洗等太耐先有得食。





煮呢個法式洋蔥湯，又要讚下個Le creuset 煲😊。下午炒好洋蔥，㷛落湯，熄咗火等佢自己炇焗，返到屋企，原煲加麵包芝士上面入焗爐，確係好方便。入咗爐之後，車輋仲要求去附近打場(Pokémon 😅)，順便帶狗。



雖然天氣轉冷，但係運動仍要繼續，10月10日，結婚164個月有禮物收😊(其實係早到嘅生日禮物），從此，我多咗一個運動buddy。