义燒酥

整咗D义燒酥，應朋友要求，再記錄多一次食譜。


喺呢度义燒當然也要自己整，不過因為中超有李錦記义燒醬，所以自製义燒冇難度。我會用排骨比較多肉嗰一節(有軟骨嗰節）加义燒醬醃一日(唔趕時間會醃兩日），之後入焗爐。超簡單的，只是有時超市义燒醬會斷貨。

個酥好唔好味，我覺得個皮好有決定性，二十五件份量：
300g 低筋麵粉混合90g牛油，70g 豬油，60g糖，然後慢慢加入30g 水，雪入冰格三十分鐘，取出壓平，焗前掃蛋液，就係咁簡單。我通常都唔想自己咁辛苦(雖然其實我用kitchen machine mix, 一D都唔辛苦😅），會早一日做定皮放入雪櫃，第二日先包。



至於义燒酥個餡，都係蠔油，糖，胡椒粉，麻油調味同洋蔥一齊炒，最後加個粟粉水。



好多人一聽到豬油就好驚，其實我覺得豬油並不是咁可怕，你上網一查，會發現到棕櫚油(palm oil/ oilo di palma)仲衰過豬油！而好多餅乾零食，包括俾BB食嘅餅都有用棕櫊油，亦即係你一日裏面都食唔少。而豬油，久唔久一次，我覺得未嘗不可。
我哋屋企大約一年多前開始唔買有棕櫚油成份嘅食物(除咗喺香港...），今年開始發現，有些原本有用棕櫊油嘅餅乾都改用了其他油，並且會在包裝上強調自己係冇用棕櫚油。看來我哋嘅罷買都是值得的。我而家仲等緊英國麥維他消化餅，希望佢哋都快D改用其他油。