Hurom 果汁機

 呢篇其實遲咗八個月寫，不過D相仲喺電話度，咁就遲到好過冇到啦。

呢部hurom 果汁機係我2016年2月頭用超市積分加錢換的。本來已經有一部慢磨果汁機嘅我係冇打算換機嘅，不過hurom呢部原價要三百幾歐，要我買我又未必會捨得，而家有機會俾三份一價錢就換到，機會難逢，加上超市又迫人幾年一次清積分，所以我就帶咗佢返屋企。
新機比舊機靜好多，不過磨出嚟嘅果汁就比較多果榨，不過其實兩睇，有人鍾意滑D(例如我個仔），但我覺得多D纖維落肚都唔錯。新機另一好處係有個塞，令到唔同果汁攪勻先一次過倒出來（見圖）。


新機清潔比較到位
 

 同埸加映我哋花園出品：同我手臂一樣長一樣粗嘅青瓜！

 紅石榴，甘荀西柚汁

夏天西瓜汁

其實果汁機喺我屋企出鏡率甚高，基本上不用收埋，所以買部好D嘅都值得。
最開心不過就是跑完步回來嘆杯蔬果汁！我仲特登買咗兩隻果汁杯添😁。
P.s 2014年3月舊機開箱文：http://heartsoupkitchen.blogspot.it/…/hotpoint-ariston-slow…