生日蛋糕

一向生日蛋糕都係買嘅，不過今年好想完成一個想試做好耐嘅蛋糕，所以我就叫車輋同我合作，我預備好材料，佢做後期製作，咁就唔係自己整蛋糕俾自己啦。

呢個講咗好幾年想試整嘅，就係雙色格仔蛋糕，做法當然係上網學啦😊。我先預備好兩個海綿蛋糕(每個橫切成兩片），栗子蓉同馬卡龍，車輋就會負責比較technical 嘅部份。

首先佢要喺紙畫出一個16cm圓形(第一次用圓規呢😄），之後要自己計數，平均畫多再個圓形喺中間。小心剪出後再喺兩個蛋糕上界出同樣剪裁，再兩隻色交义組合。

 


車輋再負責打cream mix栗蓉(咁當然係用機打），上栗子cream部份我哋兩個合作完成。


因為怕D macaron 會淋，所以我叫佢lunch回家先做裝飾。咁佢就自己喺廚房閂埋門整，士多啤梨自己切，macaron自己加filling, 整好放回雪櫃。到拎出嚟嘅時候，我真係嘩嘩聲，我都冇整得咁靚😍。



由於呢個蛋糕係第一次做，所以好期待切開裏面點，結果好成功，大家都好開心😊有D快樂係用錢買唔到的！