班蘭戚風蛋糕

 喺中超見到新鮮班蘭葉就忍唔住買嚟整戚風蛋糕，睇返自己的記錄，大慨一年一次。

香港市面都見過好多班蘭蛋糕，不過嗰種綠色見到都冇乜意慾買，所以未有得比較。

班蘭葉剪碎後我用慢磨果汁機磨汁，亦可以加水/奶用blender打完隔榨，不過慢磨就方便好多，更原汁原味。


出爐後要倒扣至完全放涼才可以脫模，我都忍唔住食咗三件先去接車輋放學，順便pack埋俾佢游完水做茶點。佢一見到我就話：你好大陣班蘭蛋糕味呀！真係有冇咁誇張呀？咁都聞到😳偷食都唔係咁易😆可想而知，新鮮班蘭葉真係好香。
7吋戚風蛋糕：
- 三隻蛋黃混合25g糖，加40ml菜油，60ml奶(由於我用班蘭汁，所以我先落班蘭汁，然後再加奶至共60g...今日嘅班蘭汁就有36g)，混合好後再篩入70g低筋麵粉




- 四隻蛋白加45g糖打起後分兩次和麵糊輕手混合



- 170度焗20-30分鐘，爐温時間因爐而異。







 

仲有個多月先到聖誕節，不過我哋尋晚已經開咗本年度第一個panettone，係Marco工作上收到的，有好嘢當然趁新鮮食啦！上年喺香港harbour city, 我見到賣$38一片😳！如果唔計名牌，一般超市價可以買到一整個了。