2015 香港節(二）：白咖哩海鮮飯，臘味糯米飯，雜菜湯

檸檬羊係星期四晚第一個入camp的，第一晚人少少得我哋三個，簡單D，見雪櫃有乜就食乜。由於羊少食肉，我就諗到解冰雪藏魚肉做白咖哩魚。後來羊帶來了青口，咁就成了白咖哩海鮮飯，當堂高級了。

正所謂有乜落乜，做法也是隨意。先將甘荀，大蔥炒香，加入一罐400ml椰漿，白咖哩粉，糖鹽等調味。煮至蔬菜熟透後可以加入海鮮(如果是配肉類，我會將肉類和蔬菜一同炒香才下椰漿）。醬汁煮至自己滿意稀杰程度便完成，若是太稀，可以加少許生粉水埋獻。

星期五Gigi 入camp。由於星期五車輋有游水堂，六點半才回家，是晩主廚是檸檬羊。呢日有雨有風，打開家門，廚房傳來香味，原來感覺是無比幸福的！




由於預計星期六我哋將會食得更過份，所以呢晩羊為我哋預備了一個健康雜菜湯，不用加任何雞粉，菜粉已經香味十足。材料有甘荀，大葱，西岸，番茄蒜茸，薯仔。

本來係話齋飲湯，不過都係忍唔住加多了一個臘味糯米煲仔飯。糯米要預先浸五個鐘以上，煮的時候比一般粘米落水較少。

我哋三個當然又食到好飽啦(車輋一早食完去了做功課，預備星期六玩餐飽）。明明食到好飽，但係我哋三個傾計傾到兩點幾竟然肚餓，又一齊宵夜，好邪惡，不過好開心！