香港美食2015 Dec

 一落機的快樂冬至晚飯

2015 聖誕曲奇

經過幾日嘅努力，終於有功課交💪🏻💪🏻💪🏻希望收到我依個雜錦曲奇嘅親朋戚友會鍾意啦。開頭我都好好心機數下有幾多塊曲奇，但係整整吓我就放棄咗😂總數應該大約有400。

廚房新成員（下）

呢個新成員嚟咗我屋企啱啱一個月，好幫得手。
開頭有啲擔心30 cm會唔會太大，不過煮肉連蔬菜一㷛過剛剛好。我就用過佢來整南瓜雞髀，芝士豬扒茄子，排骨菜㷛，蜆肉意粉......等等。

七味粉芝士曲奇&綠茶曲奇

話咁快又到咗十二月，人大咗，特別覺得一年過得好快。
12月係整曲奇嘅月份，整曲奇嘅時候，腦子裏邊就不停重複着jungle bell jungle bell jungle bell rock 😄

至愛雞蛋仔

我哋今年聖誕節會返香港兩個星期, 因為得兩個星期咁少時間，加上Marco同行，所以唔可以好似平時暑假返嚟Hea。
咁尋晚食飯嘅時候我就話我哋要商量吓想去邊度。
車輋好興奮咁話：
第一件事呢，就係去買雞蛋仔！

椰子㷛雞湯

今個星期終於感覺到冬天來臨，氣溫下降至十度以下，今日㷛了椰子雞湯來滋潤一下。
車輋都好鍾意呢個湯，差不多次次同佢一齊去超市，見到椰子都會叫我買。
我㷛湯都好隨意，今次的材料有椰子，紅蘿蔔，蜜棗，南北杏，薑，雞。
㷛湯沒有甚麼特別嘢講，今次想寫的是如何開椰子。(見圖）

廚房新成員(上）

我家廚房最近添加了兩名成員，首先介紹的是Le creuset Mixing Bowl (2L)。
我一直好克制自己冇收藏LC 陶瓷餐具，家中的mini cocotte 都是幾年前用超級市場積分換的。今次呢個mixing bowl應該是我第一個要求買的LC 陶瓷系列。

開頭有啲擔心會唔會太重，2L又唔知夠唔夠大做要打起蛋白嘅蛋糕，不過經過兩次測試，結果令我很滿意，它將會是我做西點的新拍檔。

2015 Birthday

Comfort Food:薑蔥油

人離鄉，最思念的除了家人便是食物。
我會做定一瓶薑蔥油放雪櫃作隨時的comfort food。雖然只是一個簡單的醬汁，但絕對充滿香港味。

Halloween餅

交功課！我最差就係畫畫，中學試過美術科平時分唔合格，不過車輋指定要我整啲halloween曲奇餅俾佢帶返學校，冇辦法。
我的曲奇完全係搞笑多過驚嚇😝畫畫下仲變咗聖誕主題🙈
Icing做法是蛋白加糖粉，比例1:5, 呢個仲驚嚇

Halloween瓜& his friends

今年買到一個迷你南瓜，第一次試刻南瓜，不過依啲粗重野，當然係留俾佢哋兩父子做😄
Halloween瓜呢個名係車輋改的。

蒜辣蜆肉意粉

蒜辣意粉或蜆肉意粉都是意大利菜first course常見的，不過我喺屋企整就愛將兩者二合一，一次過滿足兩個願望。

朋友

今日2015-09-25本學年度的游水堂又再開始。
上一年車輋同學Nicola 亦開始參加泳班，開班不久，因為他媽媽找到一份temp job, 所以不能送Nicola 到泳池，只能放工趕到泳池會合，於是逢星期五放學Nicola 便會到我們家玩半小時然後一同去泳池。
今年，本來Nicola 堅決不再去泳班，不過最後為了泳班前可以同車輋玩，還是妥協了(不過現在他媽媽不用星期五上班，所以也不一定次次來玩）。
今日要寫呢篇係要記低車輋的窩心事❤：
話說今日Nicola 媽有事要遲一點到泳池，所以一如往年，早上上學時已將Nicola 的游水袋交俾我。不過到換衫時才發現忘記了帶拖鞋(其實上堂前二十分鐘Nicola 媽已whatsapp我話佢同拖鞋嚟緊，不過我冇睇到電話）。
冇拖鞋，Nicola 當然很不自在。車輋竟然同佢講:如果你想，我都同你一齊唔著
(隨即除鞋，仲話地下好涼好舒服）
不過Nicola 仍然唔開心，話冇拖鞋隻腳會唔舒服.....
車輋就話:咁你著我對鞋
Nicola又真的不客氣話好😅, 即刻著。
(最後，上堂前兩分鐘，Nicola 媽連拖鞋到，happy ending)
我冇參與俾意見，但我深感受到車輋對朋友的好（似足我，甚至有過之而無不及）。但願車輋繼續享受不問回報的付出。
今晚我都學咗
正所謂:
整本書都畫重點等如沒重點
全世界都是朋友等於沒朋友

懶人回來了

一次過POST返由四月到九月的blog!
自從開咗FB PAGE，加上呢度又好似冇乜人嚟，我都懶update, 不過又諗，為咗方便自己搵舊食譜，都係唔好放棄呢度。所以仍然會不定時update,一次update好多個post嗰種！

一年容易又中秋

上年暑假喺香港買咗月餅模，第一次整迷你奶黃月餅，當時跟足食譜份量做咗16個。今年加碼，用1.5倍份量。

牛宴

首先祝各位同學新學年開開心心，有愉快的校園生活，加油💪🏻！車輋今年九月十四號先開學，仲可以hea多兩星期😆。佢六月頭已經放暑假，三個月暑假，有如香港大學生活😅。今朝同佢去參加免費網球課程(共四日，每次個半鐘），所以我又可以偷到少少時間update下。
同11一家在羅馬分別後，我們一家開車到了我期待已久的意大利天空之城(civita di bagnoregio)，喺附近留咗一晚，8月19號便回程。

2015暑假遊記之「達文西最後晚餐壁畫」加「米蘭大盜」

同「11」一家人嘅36天意大利遊圓滿結束！同佢地一齊好開心，多謝佢哋今年有十份一時間喺意大利陪伴我，八月十八日玩完最後一日主題樂園之後，他們一家 人乘專車由酒店往機場，我們一家向天空之城進發，留多一日便回家了。玩左咁多日，分開嘅時候真係唔捨得，雖然好快又見面，不過我都忍唔住喊😭，車輋大情大性，易喊易笑嘅性格，應該係遺傳自我呢個喊包。
今日又去咗水上樂園，咁我又可以Hea下update下blog。

佛羅倫斯美食x2

昨天一次過嘗了兩樣佛羅倫斯名菜並且一日之內見過了三個(全部）大衛像！

豐收

呢啲係今日marco同車輋喺樓下花園收返嚟嘅番茄同埋翠玉瓜！！ 個超大型翠玉瓜重537g!

蔥油餅、椰汁西米露

車輋已經放咗三個星期暑假，功課都已經做得八八九九，今個星期佢一連五天去sports day camp，朝九晚五，唔洗理佢食午餐，我只需要(間中）負責揸車接佢，都算有得hea 下。
為咗一齊玩，暑假期間我都有同佢一齊親子煮嘢食，早排就一齊整左蔥油餅。

端午節感恩事件簿

今朝寫完上篇"端午節鹹肉糭"之後，打電話同媽咪傾左一陣，之後就同車輋去超級市場。
如非必要，我都唔會星期六去超市，因為好多人到好似返咗香港咁😆。 其實昨天下晝我已經去左一次，不過亦都係一個錯誤嘅決定，因為星期五放工時間一樣係人山人海，好多諗住要買嘅嘢仲已經被搶購一空，總之星期五同六都係唔適 合去超市。但係有兩樣野Marco叫我買，我昨天買漏咗(因為見到太多人又太少貨，我太心急逃離現場），雖然唔係D好急着用嘅嘢，但係因為係佢落 order，我個心都有D唔舒服，想快啲買返。

端午節鹹肉糭

對上一次包糭係2007年，當時係大住個肚，包唔掂，最後係marco出馬幫我包，當年嘅blog仲喺度: http://blog.yam.com/heartsoup/article/10589011
我鍾意食糭，但係其實香港一年到晩隨時都可以買到，所以包過(玩過）第一次之後一直都冇諗住再包。不過早排我係中國超市見到竹葉，加上今年暑假唔會返香港，所以又有D心痕。不過我有先見之明，我知我會搞唔掂，所以已經問定Marco可唔可以幫我包😊 平時飛機機艙行李都係marco幫我扎，而喺香港回程就係22出馬😘。

熱香餅 + 民宿

最近我哋多咗食brunch, 煎蛋、炒蛋、煙肉、多士、茄汁豆、waffle、牛角包、熱香餅、生果、芝士、yogurt等等，鍾意食乜就整乜。車輋就係煎煙肉同炒蛋專員，佢煎嘅煙肉，香脆得嚟又唔會太乾，啱晒爸爸口味。

蛋卷x4

今日係車輋本學年度最後一堂游水堂，亦即係我嘅50分鐘寫blog時間暫告一段落。佢返多一個星期仲放三個半月暑假添呀！即係亞媽我開OT! 不過我煮咗D好嘢都會繼續同大家分享，不過會慢dd咁啦。

炸両

因為車輋學校outing唔使返嚟食午餐，我難得有七個半鐘頭自由時間，當然唔好嘥，搵啲野搞下。
本來昨晚已經整左一個麵團諗住自製油炸鬼，不過炸起我覺得臭粉味太重，所以掉咗，改用雪櫃嘅急凍油炸鬼。呢pack油炸鬼都係第一次買，始終同香港嘅唔同，不過都可以頂住檔先。

包左三條炸両自己早餐連午餐，其餘粉漿整腸粉留返俾車輋今晚食。
腸粉做法：(約十條）
150g 粘米粉
1 tbsp 粟粉
1 tbsp 澄麵粉
450g 水
混合後加1 tbsp 油，1/4tsp 鹽
有食譜教要放幾個鐘頭先可以用，我就通常放過夜，不過亦試過混合完直接蒸，問題都不太大。
用一平碟，掃油，放少許粉漿，薄薄的一層蒸熟捲

薯仔洋蔥海鮮湯

繼上次簡易粟米湯後，上星期再來了一個海鮮湯。今次冇用忌廉，改用了薯仔加奶，一樣好味。

煎蘿蔔餅

今朝好勤力，三個半小時喺廚房度整左七八樣嘢：蘿蔔糕、煎蘿蔔餅、預備好晚餐漢堡扒(加用來同肉一齊食的芫茜醬）、唔知幾時食不過整定嘅黑木耳榨菜蒸豬肉 (因為怕啲豬肉變壞，快啲整左佢先）、Marco同車輋牛肝菌意大利燴飯午餐（Risotto ai porcini), 每人一杯慢磨果汁，仲煲咗蘋果杞子水！一路整仲同媽咪傾左45分鐘電話，好productive的一個早上。

簡易焦糖pop corn

再post多一個簡易食譜。

易潔鑊白鑊煮溶黃糖熄火，再拌入微波爐pop corn 便成。

每次整pop corn 俾車輋都會用呢個兩年前喺巴黎迪士尼買的pop corn container 裝，循環再用冇浪費又食得開心D。

簡易粟米忌廉湯

某日lunch突然想整粟米忌廉湯，一罐粟米，加水煮滾，用神仙棒打爛再過篩。我鍾意用神仙棒，因為比起傳統攪拌機容易清潔，沖下水就得，仲打得好細緻，隔出來的榨只有大約一湯匙。

加一盒200ml 忌廉，調味，再煮滾便成。

芋頭魚......嘅朋友

農曆新年嘅時候我第一次喺度買咗兩包(1600g)急凍嘅芋頭片, 第一次喺度整芋頭糕。用剩左嘅芋頭，突然想起可以試吓整芋頭魚，不過我冇魚模，所以就整咗芋頭魚嘅朋友。

士多啤梨蛋糕

車輋學校隔離，亦即是屋企斜對面去年暑假開咗一間mini supermarket, 主要係買蔬果，好多蔬果都好平，我都成日幫襯買橙同蘋果整果汁，緊急時去買下雞蛋同牛奶，來回都唔使十分鐘。前幾日去，見到大大盒士多啤梨2kg只賣 3.90€ 比起平日超市特價仲要平一半，唔買對唔住自己，心諗食唔切用來榨汁都抵。

朱古力魔法蛋糕

呢個蛋糕之所以名為魔法蛋糕，係因為只需要焗一次就能夠出到三層不同texture。不過我呢個並不是太理想，中間那層跟據原食譜是應該比較creamy的。

新玩具：復活節曲奇

車輋返埋聽日就放六日復活節假，冇錯，呢度復活節假期好短，只係星期一才是公眾假期。所以趕緊放假前試新曲奇模，好讓他明天帶回學校做茶點。

义燒酥

上個月新年團拜，話過食譜遲D post, 咁講過要有口齒。當日我預備嘅食物，其中义燒酥大家都鍾意，由於我只係預一人一個(因為實在太多食物），所以少吃更多滋味😋。

動物果仁曲奇

這不是我原創，從小畫公仔我都是抄考的好耐之前已經喺一個日本網站見過熊仔抱住杏仁曲奇，不過一直未有行動試做。昨天又喺fb見到有人整類似嘅浣熊曲奇，我知如果俾車輋見到，佢實叫我整，所以我喺俾佢睇之前真係有猶豫過。

試糙米飯(加一，二月雜記）

趁今天有些空閑時間，要努力補返過去幾個月影咗相又未寫嘅blog。本來今日係要吸塵洗地嘅，不過昨天好可憐打爛咗le Creuset 迷你焗盅所以逼住已經吸咗塵拖好地。
一月中買咗一盤年花開得好燦爛。

2015羊年新春團拜

我哋今年嚟咗一個豪華私房飲茶新春團拜！六個女人仔，但超級多食物！食咗幾轉仲有超多外賣!

食譜遲D有機會補，依家先去相，再一次祝大家新年快樂，身體健康，日日開心，食得瞓得乜都得!

火車年糕

車輋今日七歳半，適逢明天就係年初一，所以我做了火車年糕給他。

結婚十二週年: 朱古力mousse cup cake

話咁快就十二週年！我哋係羊年結婚的，已經一齊過了十二生肖。
今年最特別嘅係我哋兩個一齊病，好在最辛苦嘅時候已經過咗，起碼都仲可以出街食飯慶祝。

香港節(完）：甜品加糖心蛋實驗

呢個camp除咗不停食同講之外，我哋仲每日都鍥而不捨做糖心蛋實驗！(主要係羊努力嘗試，我哋幫口食）

香港節(三）：蘿蔔糕、腐皮卷、滷鴨胸，章魚燒、炸蕃薯、排骨冬菇滑雞臘腸煲仔飯！

一月十七日(星期六），呢日一早Carol同囡囡Celeste入camp, 車輋有人同佢玩足全日，發達啦！小朋友有小朋友玩，大人都一樣全日不停口食，不停口傾，呢日簡直是全個camp高潮。
唔知由幾時開始，蘿蔔糕已經成為了gathering 的a must 菜式。呢日早上，羊煮了粟米粥，一個非常豐富的brunch。

2015 香港節(二）：白咖哩海鮮飯，臘味糯米飯，雜菜湯

檸檬羊係星期四晚第一個入camp的，第一晚人少少得我哋三個，簡單D，見雪櫃有乜就食乜。由於羊少食肉，我就諗到解冰雪藏魚肉做白咖哩魚。後來羊帶來了青口，咁就成了白咖哩海鮮飯，當堂高級了。

2015 香港節(一）甜酸、咖哩齋

今年香港節係前所未有咁盛大！1月15-18號，四日三夜camp日日有朋友加入，講不停，食不停，大滿足！

每次marco去公幹嘅時候我訂呢幾日為香港節(上年香港節重溫：http://heartsoupkitchen.blogspot.it/search/label/香港節?m=0）。

初次醃咸柑橘

呢個要立刻記下，方便自己知道我的第一瓶咸柑橘是13-01-2015由車輋親手醃的！

牛耳

我終於冬眠回來了！祝大家2015新年開開心心，健康平安！