蛋卷x4

今日係車輋本學年度最後一堂游水堂，亦即係我嘅50分鐘寫blog時間暫告一段落。佢返多一個星期仲放三個半月暑假添呀！即係亞媽我開OT! 不過我煮咗D好嘢都會繼續同大家分享，不過會慢dd咁啦。

炸両

因為車輋學校outing唔使返嚟食午餐，我難得有七個半鐘頭自由時間，當然唔好嘥，搵啲野搞下。
本來昨晚已經整左一個麵團諗住自製油炸鬼，不過炸起我覺得臭粉味太重，所以掉咗，改用雪櫃嘅急凍油炸鬼。呢pack油炸鬼都係第一次買，始終同香港嘅唔同，不過都可以頂住檔先。

包左三條炸両自己早餐連午餐，其餘粉漿整腸粉留返俾車輋今晚食。
腸粉做法：(約十條）
150g 粘米粉
1 tbsp 粟粉
1 tbsp 澄麵粉
450g 水
混合後加1 tbsp 油，1/4tsp 鹽
有食譜教要放幾個鐘頭先可以用，我就通常放過夜，不過亦試過混合完直接蒸，問題都不太大。
用一平碟，掃油，放少許粉漿，薄薄的一層蒸熟捲

薯仔洋蔥海鮮湯

繼上次簡易粟米湯後，上星期再來了一個海鮮湯。今次冇用忌廉，改用了薯仔加奶，一樣好味。