朱sir薑汁蛋撻

亞仔話咗想食蛋撻好耐，我都拖咗佢好耐😉之前想整嘅時候但係因為天陰（乜嘢藉口😂😜），我話整完出嚟影相唔靚。尋日都係諗住整蛋撻，但係最後就整咗麵包，整完麵包之後其實我已經攰，加上而家冬令時間好早天黑，所以又繼續拖。尋晚未夠十二點我瞓咗覺，今朝起身我就的起心肝還債。

其實我對整蛋撻冇乜信心，印象中之前整嘅都唔係咁滿意，不過我對朱sir嘅食譜有信心，所以又去馬。

由於係第一次用呢個食譜，所以我係跟足晒所有嘅材料。55g 薑汁我用slow juicer磨, 之後順便整埋蔬菜汁。由於係薑汁蛋撻，亞仔話似燉蛋多過似食蛋撻😑我下次會將薑汁部份改用水。

呢個蛋撻皮我都好滿意，以前整完啲皮又驚佢軟得滯，我又會放返入雪櫃，今次跟足食譜，搓完就直接放啲蛋漿落去焗，連拮窿都冇，反而係咁多次最滿意嘅一次，簡單直接👍🏻。

出爐早餐食咗兩個，下午茶加杯黑糖薑母珍珠奶茶又食多一個，本來已經放咗入雪櫃，隔左幾個鐘頭之後氣炸鍋150度3分鐘同新鮮嘅一樣，大滿足。下個星期要落力啲workout 💪🏻, 希望減返兩kg先到聖誕節。

食譜大家可以去YouTube chef chu kitchen 睇：

https://youtu.be/3qjXLuX31k0

上面係我copy自己個fb page某一日嘅post, 之後我仲整過幾次原味蛋撻以下係我嘅份量：

撻皮係100%朱sir八個份量：78g牛油 18g糖 8g奶 115g麵粉 10g奶粉

Filling我就計返兩隻蛋(減8g用咗去整皮嘅份量）：45g水煮溶33g糖，94g蛋，123g奶

180c 17-20分鐘

 四年後再update呢個blog!!!

講真，唔係好記得點用，4年前可能我仲係用緊電腦，之後多咗fb page就冇再update呢度。

不過其實喺fb page好難搵返D舊post加食譜，所以我決定遇到好食譜會再次喺呢度記低！

呢個tart用咗朱sir蛋撻皮去做，過兩日再整先記低做法。總之喺度出現得嘅，必屬可以一整再整之作。

升級版蘋果蛋糕

五月一號嗰日，我話慶祝我哋搬咗入嚟五年(正確應該係4月30號），加上落雨要揾D嘢整，我話要整個蛋糕。
屋企嗰兩個對蘋果蛋糕情有獨鍾，不過我對於呢D意大利甜品店經常出現嘅"黃色蛋糕"一D興趣都冇，所以我話要整個升級版😈！

我喺蛋糕面加咗crumble 脆脆，我絕對相信越邪惡越美味!

Tiramisù 四重奏

個名係咪改得好勁😜通常嗰D咩朱古力三重奏蛋糕即係有三種唔同嘅朱古力，咁我呢個tiramisù 四重奏就係一個tiramisù 有四種味。

班蘭蛋糕2.0版

早排整咗一次班蘭蛋糕(....係呀栗子蛋糕仲未還嘅時候又整第二次班蘭蛋糕），上次膽粗粗俾咗新加坡朋友試食，得到好多寶貴嘅意見，仲有一個新加坡blogger(http://kitchentigress.blogspot.it/?m=1)嘅食譜，真係大收穫！

Meringue 蛋白脆糖

其實我對meringue 冇乜興趣，因爲我好怕D好甜嘅嘢，即係朱古力我都只係鍾意食dark。不過我屋企有兩個sweet tooth.... 真係有（大）人去睇戲可以一粒糖接一粒糖食🙈同D人食煙一樣嚇人😖正如佢對於我食薯片嘅態度一樣唔了解😜車輋就...咸又啱甜又啱🙈🙈🙈 不過好彩佢比起我哋有節制。

綠茶士多啤梨瑞士卷

我同車輋都係綠茶甜品控😋 ,好掛住Starbucks 肥死人果杯green tea frappuccino 。
三月，雖然天氣都仲未好穩定，一個星期內可以有齊春夏秋冬，但係都已經感覺到春天嘅來臨。春天係士多啤梨當做嘅季節，一於來一個綠茶士多啤梨瑞士卷😊。不過今次用咗沖綠茶奶嘅綠茶粉，mix咗蛋糕之後個味唔夠出，未完完全全止到癮。

心太軟x 朱古力moouse

由於今次用咗一個新食譜(據説是酒店大廚食譜），所以要記低佢。
呢D邪惡甜品，我通常係整好細份量，相中嘅心太軟實制上只是大過港幣五蚊少少。

2016 聖誕家庭聚餐

基本上部份食物同兩年前是一樣的(去年因為我哋係香港過聖誕，所以冇搞意大利家庭聚餐），有啲食物，就好似香港農曆新年咁樣，是每個家庭自己的傳統，一定會係特定日子出現。

朱古力mousse cake

試過朋友嘅朱古力mousse cake，覺得Marco 會鍾意，所以打鐵趁熱，問朋友要了食譜做了一個mini size。

班蘭戚風蛋糕

 喺中超見到新鮮班蘭葉就忍唔住買嚟整戚風蛋糕，睇返自己的記錄，大慨一年一次。

生日蛋糕

一向生日蛋糕都係買嘅，不過今年好想完成一個想試做好耐嘅蛋糕，所以我就叫車輋同我合作，我預備好材料，佢做後期製作，咁就唔係自己整蛋糕俾自己啦。

蛋糕預備篇+媽咪送嘅玩具

幾個月前，媽咪喺電話話買咗嘢俾我(真係冇幾可😊），佢話三十蚊，真係玩具嚟，買俾你玩吓！暑假嘅時候我就帶咗呢個玩具返嚟。

新玩具測試x2

今個暑假喺香港帶返黎嘅兩件新玩具，啱啱完成了測試，效果滿意。

Double Cheese Tart

呢個唔係蛋撻，係我自創的double cheese tart。
上次返香港第一次試當時熱賣嘅芝士撻，不過我還是喜歡傳統蛋撻多一點。

我之所以整呢個芝士撻，其實是由一個誤會開始😅。

扮藍罐曲奇

 其實係整另一樣甜品，不過剩返少少曲奇皮，於是乎就整啲曲奇等車輋帶返學校做茶點。

Totoro 9歲生日蛋糕

車輋喺西西里島渡過了9歲生日！

新焗爐大測試:馬卡龍

新焗爐(March 19, 2016) 係whirlpool AKZM 797XL, Marco揀嘅。本來我都想揀埋一份，但係睇咗啲款之後，我覺得個個都差唔多，冇乜邊個特別有好感，所以我就將呢個決定權交俾Marco, 我淨係要求可以揀上下火同時但冇風功能。

球拍曲奇

車輋今日最後一日返三年級，明天正式放暑假🎉🎉🎉。

星期五網球班有暑假前party, 家長自行負責茶點。

Tiramisù Birthday Cake

今年Marco生日, 本來plan咗去個三日兩夜短旅行，不過出發前兩日，佢個同事炒車返唔到工，Marco被逼留守大本營。不過後來見到天氣報告話呢個周末山上面好凍，天氣 唔係咁好，咁我哋都好過D。當日我同車輋接Marco放工，仲俾我哋見到我恨影左好耐嘅油菜花田，雖然冇帶大機喺身，但係都好開心，咁我開心，佢開心啦😁😁😁。