四年後再update呢個blog!!!

講真，唔係好記得點用，4年前可能我仲係用緊電腦，之後多咗fb page就冇再update呢度。

不過其實喺fb page好難搵返D舊post加食譜，所以我決定遇到好食譜會再次喺呢度記低！

呢個tart用咗朱sir蛋撻皮去做，過兩日再整先記低做法。總之喺度出現得嘅，必屬可以一整再整之作。

Meringue 蛋白脆糖

其實我對meringue 冇乜興趣，因爲我好怕D好甜嘅嘢，即係朱古力我都只係鍾意食dark。不過我屋企有兩個sweet tooth.... 真係有（大）人去睇戲可以一粒糖接一粒糖食🙈同D人食煙一樣嚇人😖正如佢對於我食薯片嘅態度一樣唔了解😜車輋就...咸又啱甜又啱🙈🙈🙈 不過好彩佢比起我哋有節制。

綠茶士多啤梨瑞士卷

我同車輋都係綠茶甜品控😋 ,好掛住Starbucks 肥死人果杯green tea frappuccino 。
三月，雖然天氣都仲未好穩定，一個星期內可以有齊春夏秋冬，但係都已經感覺到春天嘅來臨。春天係士多啤梨當做嘅季節，一於來一個綠茶士多啤梨瑞士卷😊。不過今次用咗沖綠茶奶嘅綠茶粉，mix咗蛋糕之後個味唔夠出，未完完全全止到癮。

自製肉乾、年廿八洗邋遢

今日年廿八洗邋遢，我都認真清潔咗廚房desktop, 仲吸咗麈拖咗地。一路做一路諗，呢度又唔係香港，我做乜要辛苦自己呢，明明幾日前先拖過地(懶人如我，係一個星期先吸塵拖地的），做咗其實都無人知。每年 年廿八我都有咁嘅諗法，但係每年又好似有強迫症咁，呢日會好自動自覺做extra清潔😏所以我決定影張相，等有人知道我有係咁二洗邋遢😂😂😂。

我的2016 (那些年.....返晒嚟）

我好少寫年度回顧的，多數都是來去匆匆又一年，不過今年對我來說比較特別，好想記低一下。
2016分上下兩部份。頭半部過得有點痛苦，記得嘅就只有車輋出水痘，之後又到Marco出水痘，年頭佢被人二度撞車，撞到入咗成個星期廠，不過好彩係車 唔係人，同埋所有修車費用對方保險cover。還記得年頭已經同朋友講話希望呢年快D過。 因為想減重，3月那個5km family walk之後，我一星期有幾日都會出去快行，啟動了我的運動mode。當時車輋出水痘，二人困獸鬥喺屋企個多星期，我都要趁Marco一放工返嚟自己一個 出去走一走來舒緩一下。
2016年下半年，從新踏上田徑場，那個感覺就是感動，興奮，feeling like I belong to track! 而當中最為動人的是：I am not alone! 當年的隊友，大家闊別田徑埸多年（92-94是我們的光輝歲月），再次一齊train，大家團火原來一直都冇熄，好似從來沒有離開過一樣。因為妳哋，我再 次有夢想。講真，到咗呢個年紀，有夢想並不是一件容易的事，仲要有另外三個人同你發着同一個夢，簡直有D不可思議的奢侈！有些感覺，只有我哋自己先會明， 只有我哋先會有同樣的感覺。我哋聞到運動埸D味會好開心，練完一課甘，第二日嘅肌肉酸痛我哋會覺得好正！2017年，將會係更精彩的一年....應該係 話....2017將會是精彩嘅開始！
除此之外，今年亦見返十年冇見嘅你，再次聯繫失散近廿年的你，友共情不變。我諗呢D就係人越大，越是懷念那些年。
2017，除咗要繼續跑之外，我亦要努力煮番D似樣D嘅用心菜，繼續寵壞寵我的。
今晚等倒數放煙花嘅時候，再記錄一下今晚嘅除夕晚餐....依家就梗係盡最後努力清潔一下，迎接新嘅一年。
祝各位2017新年快樂，身體健康🎊🎊

相識十五年：密室逃脫(失敗）

2016-09-10， 我同Marco相識十五週年！要繼續sweet sweet😊。

猴年大年初三: 蒸糕day ......加......結婚十三週年

為咗初七團拜，昨天再整了二百多粒笑口棗，今日就用咗全日時間一日過整好年糕，馬蹄糕和蘿蔔糕。祝願大家全年笑口常開，goal goal goal💪🏻💪🏻💪🏻 (高高高....三高就唔係咁好....不過都可以代表高興，高分，快高長大！）🎉🎉🎉😁😁😁

2016猴年新年快樂!!!

之前因為時間關係，喺超市買嘅風信子趕唔切開花，琴日同一班香港人喺米蘭食完團年午飯之後，返到屋企再同兩仔爺去Ikea 「行年宵」，即刻買多幾盆花，又搞掂👍🏻🎉。
祝大家越食越靚，身體健康，肚腩無晒!!

越食越黑

細個有段時間鍾意食白朱古力，而家淨係鍾意dark chocolate, 最好70%以上。最近，連牛奶朱古力我都覺得太甜，唔多接受到，我想呢D就係人生唔同既階段。

香港美食2015 Dec

 一落機的快樂冬至晚飯

椰子㷛雞湯

今個星期終於感覺到冬天來臨，氣溫下降至十度以下，今日㷛了椰子雞湯來滋潤一下。
車輋都好鍾意呢個湯，差不多次次同佢一齊去超市，見到椰子都會叫我買。
我㷛湯都好隨意，今次的材料有椰子，紅蘿蔔，蜜棗，南北杏，薑，雞。
㷛湯沒有甚麼特別嘢講，今次想寫的是如何開椰子。(見圖）

朋友

今日2015-09-25本學年度的游水堂又再開始。
上一年車輋同學Nicola 亦開始參加泳班，開班不久，因為他媽媽找到一份temp job, 所以不能送Nicola 到泳池，只能放工趕到泳池會合，於是逢星期五放學Nicola 便會到我們家玩半小時然後一同去泳池。
今年，本來Nicola 堅決不再去泳班，不過最後為了泳班前可以同車輋玩，還是妥協了(不過現在他媽媽不用星期五上班，所以也不一定次次來玩）。
今日要寫呢篇係要記低車輋的窩心事❤：
話說今日Nicola 媽有事要遲一點到泳池，所以一如往年，早上上學時已將Nicola 的游水袋交俾我。不過到換衫時才發現忘記了帶拖鞋(其實上堂前二十分鐘Nicola 媽已whatsapp我話佢同拖鞋嚟緊，不過我冇睇到電話）。
冇拖鞋，Nicola 當然很不自在。車輋竟然同佢講:如果你想，我都同你一齊唔著
(隨即除鞋，仲話地下好涼好舒服）
不過Nicola 仍然唔開心，話冇拖鞋隻腳會唔舒服.....
車輋就話:咁你著我對鞋
Nicola又真的不客氣話好😅, 即刻著。
(最後，上堂前兩分鐘，Nicola 媽連拖鞋到，happy ending)
我冇參與俾意見，但我深感受到車輋對朋友的好（似足我，甚至有過之而無不及）。但願車輋繼續享受不問回報的付出。
今晚我都學咗
正所謂:
整本書都畫重點等如沒重點
全世界都是朋友等於沒朋友

2015暑假遊記之「達文西最後晚餐壁畫」加「米蘭大盜」

同「11」一家人嘅36天意大利遊圓滿結束！同佢地一齊好開心，多謝佢哋今年有十份一時間喺意大利陪伴我，八月十八日玩完最後一日主題樂園之後，他們一家 人乘專車由酒店往機場，我們一家向天空之城進發，留多一日便回家了。玩左咁多日，分開嘅時候真係唔捨得，雖然好快又見面，不過我都忍唔住喊😭，車輋大情大性，易喊易笑嘅性格，應該係遺傳自我呢個喊包。
今日又去咗水上樂園，咁我又可以Hea下update下blog。

端午節感恩事件簿

今朝寫完上篇"端午節鹹肉糭"之後，打電話同媽咪傾左一陣，之後就同車輋去超級市場。
如非必要，我都唔會星期六去超市，因為好多人到好似返咗香港咁😆。 其實昨天下晝我已經去左一次，不過亦都係一個錯誤嘅決定，因為星期五放工時間一樣係人山人海，好多諗住要買嘅嘢仲已經被搶購一空，總之星期五同六都係唔適 合去超市。但係有兩樣野Marco叫我買，我昨天買漏咗(因為見到太多人又太少貨，我太心急逃離現場），雖然唔係D好急着用嘅嘢，但係因為係佢落 order，我個心都有D唔舒服，想快啲買返。

熱香餅 + 民宿

最近我哋多咗食brunch, 煎蛋、炒蛋、煙肉、多士、茄汁豆、waffle、牛角包、熱香餅、生果、芝士、yogurt等等，鍾意食乜就整乜。車輋就係煎煙肉同炒蛋專員，佢煎嘅煙肉，香脆得嚟又唔會太乾，啱晒爸爸口味。

試糙米飯(加一，二月雜記）

趁今天有些空閑時間，要努力補返過去幾個月影咗相又未寫嘅blog。本來今日係要吸塵洗地嘅，不過昨天好可憐打爛咗le Creuset 迷你焗盅所以逼住已經吸咗塵拖好地。
一月中買咗一盤年花開得好燦爛。

結婚十二週年: 朱古力mousse cup cake

話咁快就十二週年！我哋係羊年結婚的，已經一齊過了十二生肖。
今年最特別嘅係我哋兩個一齊病，好在最辛苦嘅時候已經過咗，起碼都仲可以出街食飯慶祝。

初次醃咸柑橘

呢個要立刻記下，方便自己知道我的第一瓶咸柑橘是13-01-2015由車輋親手醃的！

慶生2014

每年生日，我一定會想起我喺天堂嘅Daddy, 因為我同佢都係1111生日的。雖然佢從來都沒有講出口，不過我自大的相信我一定係佢最好的生日禮物。

撐起雨傘

過去十日，fb完全是雨傘革命，感動，擔心，氣憤，到後來的荒謬，無言，欺騙，難分真與假。

最憎人講大話，當你發現朋友當你lulu, 心裏必定唔好受，朋友唔一定要乜都同你交代清楚，不過我情願你唔出聲總好過扮無知再來耍我。今時今日，竟然會有臨記出現喺新聞報導，真係有咁多人為左錢可以出賣自己，可恥。

一班喺意大利嘅香港人，人在意，心在港，香港人加油！雖然好多時生活都事與願遺，但為着我哋有家人有朋友有健康仍然是感恩。但願以後仍然可以喺Facebook見到我嘅香港家人朋友。