低卡香蔥芝麻餅

好多時候我臨瞓之前都會(好勤力）睇吓人哋啲blog 有乜好嘢食, 第二朝瞓醒就可以去整。其實真係幾自虐，尤其係依幾晚我八點之後唔俾自己食嘢，真係越睇越肚餓。

香脆芝麻

睇咗大少奶嗰個芝麻餅食譜
http://iamtaisiu9.blogspot.it/2016/10/blog-post_6.html?m=1
由於食譜講到非常之容易, 咁就一於試吓呢個芝麻餅。

兩sets新曲奇模

上年聖誕返香港嘅時候，買咗一set Halloween 曲奇模，今年唔使我自己整啲恐怖曲奇出嚟😆。

扮藍罐曲奇

 其實係整另一樣甜品，不過剩返少少曲奇皮，於是乎就整啲曲奇等車輋帶返學校做茶點。

芝士果仁曲奇

 近年返香港前指定動作.....我仲未執好行李😆😆

2015 聖誕曲奇

經過幾日嘅努力，終於有功課交💪🏻💪🏻💪🏻希望收到我依個雜錦曲奇嘅親朋戚友會鍾意啦。開頭我都好好心機數下有幾多塊曲奇，但係整整吓我就放棄咗😂總數應該大約有400。

七味粉芝士曲奇&綠茶曲奇

話咁快又到咗十二月，人大咗，特別覺得一年過得好快。
12月係整曲奇嘅月份，整曲奇嘅時候，腦子裏邊就不停重複着jungle bell jungle bell jungle bell rock 😄

Halloween餅

交功課！我最差就係畫畫，中學試過美術科平時分唔合格，不過車輋指定要我整啲halloween曲奇餅俾佢帶返學校，冇辦法。
我的曲奇完全係搞笑多過驚嚇😝畫畫下仲變咗聖誕主題🙈
Icing做法是蛋白加糖粉，比例1:5, 呢個仲驚嚇

新玩具：復活節曲奇

車輋返埋聽日就放六日復活節假，冇錯，呢度復活節假期好短，只係星期一才是公眾假期。所以趕緊放假前試新曲奇模，好讓他明天帶回學校做茶點。

動物果仁曲奇

這不是我原創，從小畫公仔我都是抄考的好耐之前已經喺一個日本網站見過熊仔抱住杏仁曲奇，不過一直未有行動試做。昨天又喺fb見到有人整類似嘅浣熊曲奇，我知如果俾車輋見到，佢實叫我整，所以我喺俾佢睇之前真係有猶豫過。

唧花曲奇完美食譜

一向我做印模曲奇比較多，原因是我未搵到一個完美的唧花曲奇食譜。不過前幾日，終於喺Carol自在生活讓我預上了！從此以後，呢個成為了我最愛唧花曲奇食譜！下次返香港，要讓親人試試呢個唧花曲奇！

一年級生done

2014年6月6日，過了今天暑假正式開始！在沒有考試的環境下愉快地完成了第一年小學。

昨天做了一些印有同學名字的曲奇，好讓他今天帶回學校，一同慶祝學期的結束。

字母曲奇

老爺平日比較認真嚴肅，不過被我發現了他很喜歡我的曲奇。佢冇直接同我講，不過我見到佢同個孫（車輋的堂細佬）爭食！

禮物曲奇

喺米桶blog (http://mitongwu.com/2013/12/06/禮物餅乾/#more-1606) 見到呢個可愛曲奇造型，原食譜係來自一個日本網站（好http://cookpad.com/recipe/1641537），好似好好玩咁，忍唔住又去試吓。

芝麻街曲奇

今年暑假喺香港買嘅新曲奇模, 上海街買hk$30都唔洗，非常平！

唧花曲奇

做得印模曲奇多，想轉下口味。上網搵到啲牛油曲奇食譜，係就係好鬆脆，不過我焗完太鬆散，係屋企食，一啖過都可以，不過要帶返學校做茶點一定碎晒。

好在記起我有一個多年前嘅曲奇食譜，可以自己唧花，又可以用曲奇槍。
第一盤我自己手唧，第二盤就車輋用曲奇槍，當焗緊第二盤嘅時候，我哋兩個差不多將第一盤食晒！焗完之後仲誇張到即刻出街買材料再整，因為我地知道應該留唔到星期一返學已經冇晒！

呢個就係我買咗好多年既曲奇槍

茶點曲奇

車輋返咗小學後，要自己帶茶點，今晚應承整曲奇俾佢，問佢要乜嘢味，佢竟然話要四種味：芝士，朱古力，綠茶，原味！本來我都好想滿足佢，不過我揾唔到包綠茶粉，希望唔係掉咗！喺香港時我買咗都冇拎返嚟添，明天再努力搵下，今晚先焗朱古力和原味。

今年返香港時，有親戚（亞嫂個妹，唔知點叫，不過都算親戚啩）送咗叮噹叮嚀，大牙大鼻曲奇模俾我，印得好清楚！車輋日日都要睇多啦A夢，啱哂佢！

材料： （約二十四塊）

牛油 100g

糖 65-80g 

蛋黃 1隻

麵粉 200g 

先將牛油和糖混合，加蛋黄，再加麵粉，如做其他味，再另加芝士粉，朱古力粉等味。

所有材料混合後是鬆鬆散散的，可以放入保鮮袋比較易壓實。然後放入雪櫃。如果唔係即日焗可以雪藏冰格，幾時想食都得，又可以隨時用來做撻皮。如果即日焗，最好都放雪櫃下格最少一小時。

雪櫃一拎出嚟係有D硬和碎，不過搓下碌下好快就成到一塊可以印模。

呢個食譜我用咗好多年，下次想試嘖花曲奇。