滷味sss

早幾日買咗D農場自家出品嘅雞蛋，我特別要咗D蛋黃比較橙色的。用嚟整蛋糕有D嘥，所以我決定整半熟糖心味蛋。

咖哩角、豬肉鬆

上星期，本來承認咗車輋再要炸多D蝦片嘅，咁炸得我就當然唔止炸一樣嘢，所以計劃整咖哩角。星期四買好食材，預備好餡料打算星期五整，點知....嗰晚車輋開始咳😰😷....所以我話唔可以炸嘢，但係因為已經預備好個餡，所以我就先包好，再放入冰箱forzen。

自製肉乾、年廿八洗邋遢

今日年廿八洗邋遢，我都認真清潔咗廚房desktop, 仲吸咗麈拖咗地。一路做一路諗，呢度又唔係香港，我做乜要辛苦自己呢，明明幾日前先拖過地(懶人如我，係一個星期先吸塵拖地的），做咗其實都無人知。每年 年廿八我都有咁嘅諗法，但係每年又好似有強迫症咁，呢日會好自動自覺做extra清潔😏所以我決定影張相，等有人知道我有係咁二洗邋遢😂😂😂。

賀年食品之笑口棗

今日應承咗車輋整春卷，咁既然炸得嘢就順便炸埋笑口棗。今年我只想減肥，所以其實都冇乜心整賀年食品，不過又想車輋有農曆新年回憶，所以少少哋意思一下。

蒸腸粉

心血來潮整腸粉！整腸粉真係需要好多耐性，所以最好嘅方法就係同一時間做其他嘢，咁就唔會對住個鑊得個等字😆😆😂。好似我咁，今朝一路整腸粉嘅同時，亦都整咗香蕉蛋糕，寫咗一篇blog, 打咗好多candy crush, 幾捉咗幾隻小精靈😅😅😅。

自製麵筋甜酸齋

睇返自己啲食譜，原來對上一次整麵筋已經係2015年1月（http://heartsoupkitchen.blogspot.it/…/2015-115-18camp-marco…）。當時寫低咗「不過冬天洗咁多次隻手真係好凍，整麵筋都係夏天適合D。」趁住依家天氣未咁凍，又嚟玩下。

朱古力千層crepe@車輋八歳半

由於車輋的生日在暑假，多數正日我哋都唔會喺屋企，所以我會喺二月整一個蛋糕俾佢，一年有兩次生日多幸福.....說實話，其實每個月都有數住，都會以此為藉口出去食餐飯。

首次挑戰鳳梨酥

我同自己講今年要努力啲，坐言起行，先來一個一年半之前已經諗住整嘅鳳梨酥😅 唔係誇張2014年5月我已經睇到食譜心郁郁想試，14年暑假喺香港已經買咗鳳梨酥模，2015年菠蘿就買過好多個，但係次次都變咗菠蘿汁，的唔起心肝整 鳳梨酥。拖左一年半，我再唔整就對唔住個模😆。

至愛雞蛋仔

我哋今年聖誕節會返香港兩個星期, 因為得兩個星期咁少時間，加上Marco同行，所以唔可以好似平時暑假返嚟Hea。
咁尋晚食飯嘅時候我就話我哋要商量吓想去邊度。
車輋好興奮咁話：
第一件事呢，就係去買雞蛋仔！

一年容易又中秋

上年暑假喺香港買咗月餅模，第一次整迷你奶黃月餅，當時跟足食譜份量做咗16個。今年加碼，用1.5倍份量。

蔥油餅、椰汁西米露

車輋已經放咗三個星期暑假，功課都已經做得八八九九，今個星期佢一連五天去sports day camp，朝九晚五，唔洗理佢食午餐，我只需要(間中）負責揸車接佢，都算有得hea 下。
為咗一齊玩，暑假期間我都有同佢一齊親子煮嘢食，早排就一齊整左蔥油餅。

端午節感恩事件簿

今朝寫完上篇"端午節鹹肉糭"之後，打電話同媽咪傾左一陣，之後就同車輋去超級市場。
如非必要，我都唔會星期六去超市，因為好多人到好似返咗香港咁😆。 其實昨天下晝我已經去左一次，不過亦都係一個錯誤嘅決定，因為星期五放工時間一樣係人山人海，好多諗住要買嘅嘢仲已經被搶購一空，總之星期五同六都係唔適 合去超市。但係有兩樣野Marco叫我買，我昨天買漏咗(因為見到太多人又太少貨，我太心急逃離現場），雖然唔係D好急着用嘅嘢，但係因為係佢落 order，我個心都有D唔舒服，想快啲買返。

端午節鹹肉糭

對上一次包糭係2007年，當時係大住個肚，包唔掂，最後係marco出馬幫我包，當年嘅blog仲喺度: http://blog.yam.com/heartsoup/article/10589011
我鍾意食糭，但係其實香港一年到晩隨時都可以買到，所以包過(玩過）第一次之後一直都冇諗住再包。不過早排我係中國超市見到竹葉，加上今年暑假唔會返香港，所以又有D心痕。不過我有先見之明，我知我會搞唔掂，所以已經問定Marco可唔可以幫我包😊 平時飛機機艙行李都係marco幫我扎，而喺香港回程就係22出馬😘。

蛋卷x4

今日係車輋本學年度最後一堂游水堂，亦即係我嘅50分鐘寫blog時間暫告一段落。佢返多一個星期仲放三個半月暑假添呀！即係亞媽我開OT! 不過我煮咗D好嘢都會繼續同大家分享，不過會慢dd咁啦。

炸両

因為車輋學校outing唔使返嚟食午餐，我難得有七個半鐘頭自由時間，當然唔好嘥，搵啲野搞下。
本來昨晚已經整左一個麵團諗住自製油炸鬼，不過炸起我覺得臭粉味太重，所以掉咗，改用雪櫃嘅急凍油炸鬼。呢pack油炸鬼都係第一次買，始終同香港嘅唔同，不過都可以頂住檔先。

包左三條炸両自己早餐連午餐，其餘粉漿整腸粉留返俾車輋今晚食。
腸粉做法：(約十條）
150g 粘米粉
1 tbsp 粟粉
1 tbsp 澄麵粉
450g 水
混合後加1 tbsp 油，1/4tsp 鹽
有食譜教要放幾個鐘頭先可以用，我就通常放過夜，不過亦試過混合完直接蒸，問題都不太大。
用一平碟，掃油，放少許粉漿，薄薄的一層蒸熟捲

芋頭魚......嘅朋友

農曆新年嘅時候我第一次喺度買咗兩包(1600g)急凍嘅芋頭片, 第一次喺度整芋頭糕。用剩左嘅芋頭，突然想起可以試吓整芋頭魚，不過我冇魚模，所以就整咗芋頭魚嘅朋友。

义燒酥

上個月新年團拜，話過食譜遲D post, 咁講過要有口齒。當日我預備嘅食物，其中义燒酥大家都鍾意，由於我只係預一人一個(因為實在太多食物），所以少吃更多滋味😋。

2015羊年新春團拜

我哋今年嚟咗一個豪華私房飲茶新春團拜！六個女人仔，但超級多食物！食咗幾轉仲有超多外賣!

食譜遲D有機會補，依家先去相，再一次祝大家新年快樂，身體健康，日日開心，食得瞓得乜都得!

香港節(完）：甜品加糖心蛋實驗

呢個camp除咗不停食同講之外，我哋仲每日都鍥而不捨做糖心蛋實驗！(主要係羊努力嘗試，我哋幫口食）

香港節(三）：蘿蔔糕、腐皮卷、滷鴨胸，章魚燒、炸蕃薯、排骨冬菇滑雞臘腸煲仔飯！

一月十七日(星期六），呢日一早Carol同囡囡Celeste入camp, 車輋有人同佢玩足全日，發達啦！小朋友有小朋友玩，大人都一樣全日不停口食，不停口傾，呢日簡直是全個camp高潮。
唔知由幾時開始，蘿蔔糕已經成為了gathering 的a must 菜式。呢日早上，羊煮了粟米粥，一個非常豐富的brunch。