菠蘿包cross over 泡芙,祝大家2013甜蜜到2014!新年快樂!身體健康!食得瞓得!日日開心!
2013年12月31日星期二
2013年12月30日星期一
燒雞boxing day
Boxing Day (其實意大利喺冇boxing day的)嗰日,即興叫咗Marco個朋友來我們家晚餐,呢個朋友可以話係Marco唯一一個好朋友,不過因為住得遠,所以只有大時大節,友人回來探望父母才有機會見面。
位置:
Italia
2013年12月28日星期六
2013年12月23日星期一
聖誕馬卡龍(with new tips)
上星期做咗兩次馬卡龍都唔係幾成功,於是我再上網睇吓有冇D新貼士,見到周老師有詳細解釋,佢話成功秘訣有兩點,一,烤焙前要先讓表面乾燥結皮(這點我之前已經知道);二,烤焙初期要隔絕底火。咁我今次就先開上火,到有裙邊出咗就轉上下火,最後幾分鐘就淨係用下火。出爐之後,將成塊mat放在一塊濕布上,咁就更容易離mat, 再沒有出現上下分離的情況。所以話plastic makes perfect 係冇錯的。
2013年12月20日星期五
2013年12月18日星期三
2013年12月15日星期日
包餃子
上星期包了三十隻菠菜豬肉餃,今星期諗住包多三十隻菊芋(又名洋薑)豬肉餃,點知攪錯皮的份量,做了double皮,最後唔夠餡料,只包到四十多隻,其餘的麵團cut好後冷藏留用。都係怪自己上星期唔快手D打blog記住份量。
2013年12月11日星期三
發現新大陸
不得了!
我今日發現咗用芝士嚟做macarons filling 係超讚的!簡直係11-12-13大發現!
其實我今次整馬卡龍係想試吓咖啡味夾心,預備聖誕節整黎送俾親戚。不過睇Bake off British 時,有一個baker做鹹點時,用馬卡龍夾住藍芝士,我又想試吓,於是一個放咗gorgonzola做餡,點知出奇地夾,芝士的鹹香減少了一般馬卡龍的甜味,一鹹一甜,簡直係絕配!之後再試咗夾gouda, 一樣好味!真係一試愛上!
我今日發現咗用芝士嚟做macarons filling 係超讚的!簡直係11-12-13大發現!
其實我今次整馬卡龍係想試吓咖啡味夾心,預備聖誕節整黎送俾親戚。不過睇Bake off British 時,有一個baker做鹹點時,用馬卡龍夾住藍芝士,我又想試吓,於是一個放咗gorgonzola做餡,點知出奇地夾,芝士的鹹香減少了一般馬卡龍的甜味,一鹹一甜,簡直係絕配!之後再試咗夾gouda, 一樣好味!真係一試愛上!
2013年12月10日星期二
泡芙
呢幾日沉迷於睇Bake Off British, 好鍾意佢哋嗰句"on your mark, get set, BAKE!"
兩星期前意大利都開始咗做Bake off Italia, 上星期Jassica講我先知,逢星期五晚21:10 real time台(31台),一睇之下愛上。Kate 話英國都有,即刻上網睇,煮飯又睇,燙衫又睇,一路焗蛋糕都一路睇,佢哋焗我又焗。正如Kate講,後遺症係好想試吓整佢哋整嗰啲嘢。今朝燙衫嗰時睇緊一集整泡芙,我忍唔住食完lunch即刻整!遲啲仲想試吓整麵包條。
兩星期前意大利都開始咗做Bake off Italia, 上星期Jassica講我先知,逢星期五晚21:10 real time台(31台),一睇之下愛上。Kate 話英國都有,即刻上網睇,煮飯又睇,燙衫又睇,一路焗蛋糕都一路睇,佢哋焗我又焗。正如Kate講,後遺症係好想試吓整佢哋整嗰啲嘢。今朝燙衫嗰時睇緊一集整泡芙,我忍唔住食完lunch即刻整!遲啲仲想試吓整麵包條。
2013年12月9日星期一
長頸鹿紋彩繪蛋糕
而家師傅喺廳安裝樓梯,我無乜嘢好做,咁最好update下個blog,裝好樓梯後再影俾大家睇。
上星期三車輋放學去咗隔離屋小朋友屋企開小型生日會,我一個喺屋企,好似好得閒,於是搵啲野玩,整咗個彩繪蛋糕。
上星期三車輋放學去咗隔離屋小朋友屋企開小型生日會,我一個喺屋企,好似好得閒,於是搵啲野玩,整咗個彩繪蛋糕。
2013年12月5日星期四
2013年12月2日星期一
2013年11月29日星期五
2013年11月26日星期二
奶皇包
由於做macarons淨係用蛋白,所以剩番好多蛋黃。媽咪教我試吓將啲蛋黃醃鹹,變成鹹蛋黃,真係一個好提議!
我求其喺蛋黃上面灑咗D幼鹽,就咁放入雪櫃等佢變乾,開頭我有用保鮮紙,不過媽咪話唔使,如果唔係會有倒汗水。一個星期後摸下佢,真係實咗喎。
我求其喺蛋黃上面灑咗D幼鹽,就咁放入雪櫃等佢變乾,開頭我有用保鮮紙,不過媽咪話唔使,如果唔係會有倒汗水。一個星期後摸下佢,真係實咗喎。
2013年11月18日星期一
大功告成
應承咗Marco幫佢公司整Macarons,因為要整好多,不買不買仍需買,買咗張新Macarons Mat。我之前已經有一張mat,不過因為同一mat有兩個sizes,所以每次只可以做到七個(14個單邊)。新呢張可以做到24個(48個單邊),快三倍有多。
2013年11月13日星期三
慶生2013
由星期六晚到星期一晚,一共五餐都唔駛我煮,簡直係生日放大假,long birthday weekend!
星期六晚係屋企附近食咗pizza,星期日marco話同我哋去米蘭有特別節目。咁先喺途中一個mall shopping 兼食lunch。
星期六晚係屋企附近食咗pizza,星期日marco話同我哋去米蘭有特別節目。咁先喺途中一個mall shopping 兼食lunch。
2013年11月11日星期一
2013年11月6日星期三
2013年11月3日星期日
2013年11月1日星期五
2013年10月29日星期二
愛心迷你卷蛋
每次做四白三黃戚風蛋糕,麵糊份量比我的戚風蛋糕模大,所以總會 另做迷你卷蛋或小蛋糕。
因為卷蛋迷你,所以只抹上nutella醬,沒有另外打crea m。
今朝切開俾車輋帶返學校做茶點,見到心形nutella, so sweet!
2013年10月28日星期一
2013年10月22日星期二
焗肉排
上星期做的晚餐,好地道的菜式。
排骨我先用香草鹽醃,然後我用壓力煲先煮約十分鐘後,再加自家種的青辣椒入焗爐,最後搽上蜜糖。
黃色的是北意冬天的常見食品,叫polenta, 係用黃色粗粟米粉煮成的,最啱天氣凍食。
排骨我先用香草鹽醃,然後我用壓力煲先煮約十分鐘後,再加自家種的青辣椒入焗爐,最後搽上蜜糖。
黃色的是北意冬天的常見食品,叫polenta, 係用黃色粗粟米粉煮成的,最啱天氣凍食。
2013年10月11日星期五
焦糖蘋果Muffins
2013年10月10日星期四
2013年10月6日星期日
2013年10月4日星期五
大西瓜
這個超大西瓜係上月買的,是本年度最後一個西瓜。
我們呢個夏天都係幫襯蔬果店買西瓜,雖然比超巿貴一點,但是品質有保證。
平日每次都係買半個,不過呢次店家話係今年最後一批,於是Marco 唔執輸買咗成個返嚟,個西瓜20.8kg!!!差少少就重過21kg嘅車輋!
2013年10月3日星期四
2013年9月30日星期一
2013年9月28日星期六
唧花曲奇
做得印模曲奇多,想轉下口味。上網搵到啲牛油曲奇食譜,係就係好鬆脆,不過我焗完太鬆散,係屋企食,一啖過都可以,不過要帶返學校做茶點一定碎晒。
好在記起我有一個多年前嘅曲奇食譜,可以自己唧花,又可以用曲奇槍。
第一盤我自己手唧,第二盤就車輋用曲奇槍,當焗緊第二盤嘅時候,我哋兩個差不多將第一盤食晒!焗完之後仲誇張到即刻出街買材料再整,因為我地知道應該留唔到星期一返學已經冇晒!
呢個就係我買咗好多年既曲奇槍
好在記起我有一個多年前嘅曲奇食譜,可以自己唧花,又可以用曲奇槍。
第一盤我自己手唧,第二盤就車輋用曲奇槍,當焗緊第二盤嘅時候,我哋兩個差不多將第一盤食晒!焗完之後仲誇張到即刻出街買材料再整,因為我地知道應該留唔到星期一返學已經冇晒!
呢個就係我買咗好多年既曲奇槍
2013年9月27日星期五
2013年9月19日星期四
2013年9月16日星期一
茶點曲奇
車輋返咗小學後,要自己帶茶點,今晚應承整曲奇俾佢,問佢要乜嘢味,佢竟然話要四種味:芝士,朱古力,綠茶,原味!本來我都好想滿足佢,不過我揾唔到包綠茶粉,希望唔係掉咗!喺香港時我買咗都冇拎返嚟添,明天再努力搵下,今晚先焗朱古力和原味。
今年返香港時,有親戚(亞嫂個妹,唔知點叫,不過都算親戚啩)送咗叮噹叮嚀,大牙大鼻曲奇模俾我,印得好清楚!車輋日日都要睇多啦A夢,啱哂佢!
材料: (約二十四塊)
牛油 100g
糖 65-80g
蛋黃 1隻
麵粉 200g
先將牛油和糖混合,加蛋黄,再加麵粉,如做其他味,再另加芝士粉,朱古力粉等味。
所有材料混合後是鬆鬆散散的,可以放入保鮮袋比較易壓實。然後放入雪櫃。如果唔係即日焗可以雪藏冰格,幾時想食都得,又可以隨時用來做撻皮。如果即日焗,最好都放雪櫃下格最少一小時。
雪櫃一拎出嚟係有D硬和碎,不過搓下碌下好快就成到一塊可以印模。
呢個食譜我用咗好多年,下次想試嘖花曲奇。
2013年9月12日星期四
烏龍媽咪整餅記
話說車輋第一日返小學,我就想做佢最鍾意的戚風蛋糕俾佢做早餐,同佢打打氣!
返學前一日,成個下午都忙於為車輋新文具貼名,加上堂細路過咗嚟玩,所以到晚飯前先有機會做蛋糕。
我先準備了漢堡扒(遲D再開一篇寫呢個新菜色),然後開始整餅。因為戚風蛋糕我已經做個好多次,又不是太多step,所以我想不會用太多時間。
一路做蛋糕,車輋一路話好肚餓,個肚乜都冇喇!我就話好快,放咗入爐我就會煮俾佢食。
返學前一日,成個下午都忙於為車輋新文具貼名,加上堂細路過咗嚟玩,所以到晚飯前先有機會做蛋糕。
我先準備了漢堡扒(遲D再開一篇寫呢個新菜色),然後開始整餅。因為戚風蛋糕我已經做個好多次,又不是太多step,所以我想不會用太多時間。
一路做蛋糕,車輋一路話好肚餓,個肚乜都冇喇!我就話好快,放咗入爐我就會煮俾佢食。
小學一年A班
車輋小學有三班一年級,每班22人,開頭九日(連星期六)返0830-1230, 之後23號開始返全日,不過車輋可以返屋企食午飯,所以返學時間係星期一至五,0830-1230 然後 1400-1600。由於小學可以選擇喺學校食定返屋企食午餐,我哋住得咁近,加上車輋三年幼稚園都只係食主菜一的飯麵,從來都唔會食主菜二的肉(是的,幼稚園的餐單已經有兩個course),每日俾成七歐元淨係食pasta,返屋企好過啦!一年飯錢已經等於我同車輋返香港來回機票!(大家唔洗擔心,佢喺屋企有食肉的)
講返車輋第一日返小學,佢之前已經講咗好多次驚,不過前兩日開家長meeting我哋帶埋佢去,咁佢已經見過老師們,又去過課室,個心應該定D。今朝等開門時見返D幼稚園同學,又開心多D啦。
小一開學預備篇
話咁快過咗三年冇功課,日日玩的幼稚園生活,今日2013年9 月12日,車輋六歲三個星期又一日大,係小學一年級生了!
好在我哋住喺學校對面,如果唔係連幾時開學,幾時要開家長會都唔知!因為學校淨係喺門口貼通知,好多家長都唔知前日(10號)小一家長有meeting。
2013年9月10日星期二
相識十二年
十二年!時間過得真係好快,我哋已經一齊經過了十二個不同生肖。
十二年前蛇年,我還是廿三將快廿四,十二年後.......年䶖就唔洗提,感激身邊仍是那個他,還要感恩多了一個我和他的他。我們今晚更想到再過十二年,車輋都有車牌了!
今晚我們去了nineteen19, 這間餐廳我們相識十年時第一次光顧(多得有寫blog記低),這裡由頭盤到甜品都從來沒叫我們失望。
十二年前蛇年,我還是廿三將快廿四,十二年後.......年䶖就唔洗提,感激身邊仍是那個他,還要感恩多了一個我和他的他。我們今晚更想到再過十二年,車輋都有車牌了!
今晚我們去了nineteen19, 這間餐廳我們相識十年時第一次光顧(多得有寫blog記低),這裡由頭盤到甜品都從來沒叫我們失望。
每次去都不一樣的餐前小食
2013年9月9日星期一
米奇沙律
呢個米奇大碗係呢次香港收穫之一,喺disneyland 買,我買咗兩隻紅色大,一隻黑色細。多謝堂妹張全年通行証買嘢有discount。其實每年返香港買嘢,每當猶豫買定唔買時,我心中魔鬼都會自動將價錢變成歐元,再同自己講,唔係好貴啫!
不過無可否認,香港D嘢真係貴咗好多,由其係超巿嘅零食,不過我都買咗好多!pack行李時我都問自己係咪真係咁為食,成個hand carry都係食!
2013年9月7日星期六
米蘭"滿記"
上星期六,同車輋去咗米蘭一轉,Gigi 帶咗我哋去唐人街"浦"!嘩,個唐人街比起我八年前去唔同咗好多,有行人專用區,仲有小形商場,商場內仲有好似滿記style嘅甜品店!!我哋覺得好似去咗深圳!其實由我哋住嘅Brescia 去米蘭約1小時多D,真係同官塘去上水差唔多!
2013年9月2日星期一
2013年9月1日星期日
新Blog新開始!
我第一個blog係10年前開嘅xanga blog, 而家都好間唔中會update。
之後2005年開始喺yam blog寫煮飯blog, 2007/8年搬去yahoo blog。
由於yahoo blog將摺埋,被迫搬遷。開頭打算在Facebook page延續下去,不過始終唔係太自在,有少少覺得成日喺人哋個news feed 出現,好似煩倒人,迫人睇咁。研究過blogspot可以由電話直接揀相上blog,唔洗開電腦先可以寫blog,加上有其他yahoo blogger都話轉blogspot,咁我都跟大隊,方便聯絡。
不過由於部份舊post我已經copy咗去Facebook page, 咁呢度就唔再重複,一於重新開始!雖然九月一號開學已經唔關我事好耐,不過都特登今日開新blog, 感覺完美D。
我會繼續同大家分享我喺廚房嘅所作所為,希望同blog老友keep in touch,亦歡迎所有新朋友一齊分享,多謝支持!
之後2005年開始喺yam blog寫煮飯blog, 2007/8年搬去yahoo blog。
由於yahoo blog將摺埋,被迫搬遷。開頭打算在Facebook page延續下去,不過始終唔係太自在,有少少覺得成日喺人哋個news feed 出現,好似煩倒人,迫人睇咁。研究過blogspot可以由電話直接揀相上blog,唔洗開電腦先可以寫blog,加上有其他yahoo blogger都話轉blogspot,咁我都跟大隊,方便聯絡。
不過由於部份舊post我已經copy咗去Facebook page, 咁呢度就唔再重複,一於重新開始!雖然九月一號開學已經唔關我事好耐,不過都特登今日開新blog, 感覺完美D。
我會繼續同大家分享我喺廚房嘅所作所為,希望同blog老友keep in touch,亦歡迎所有新朋友一齊分享,多謝支持!
訂閱:
文章 (Atom)