Ebay 第一bid

第一次喺ebay bid嘢，竟然係玩具，仲要唔係俾個仔，係自己想要！即刻覺得自己好細路，不過收到嗰刻真係好開心，仲好低B一個人喺屋企拍手！

本來我係睇中咗有個風車1986年出嘅呢盒，雖然呢盒嘢唔齊，不過起價5 euro, 另加郵費5 euro, 我覺得幾平，有人浄賣一隻動物人物都過十歐。

好好彩一直都係得我一個bid, 咁差唔多到期時我見呢
個賣家仲有另一樣fabuland lego, 1981年出的bunny camper，成副齊，仲有埋說明書，又係5 euro加5euro shipping, 咁我就問車輋鍾唔鍾意。咁當然唔洗問我都知佢話好啦，只不過係想有人support我shopping, 哈哈！

我問賣家買兩樣可唔可以浄計一個郵費，佢又ok喎，
所以最後15€成交兩set! 收到時見到賣家用咗9.9€寄
掛號，即係扣咗郵費，佢收得五歐，我真係覺得呢份自己送俾自己的聖誕禮物超值！

雖然呢兩set唔係我細個時有的兩set, 不過都好開心。本來我都見到細個時的其中一set, 起價1.49英磅，都有D心動，仲問賣家可否寄意大利，賣家ok, 話郵費12.5磅。後來盒lego俾人bid 到廿幾磅，咁就有D貴，我同自己講，算啦，盒lego有少少唔齊，可能將來俾我遇到更好呢！知足常樂，要為自己有的而開心，不要為自己冇的唔開心。

早排提過廳加樓梯上樓上（樓上仍然工程進行中），呢個就係我哋個客廳新look，祝大家聖誕快樂！